DARALO 38:2 - WUKE SUSI WATTI'U AL᷊AL᷊USASSA

² Mawu, ariewe i ya'u iṛṛuumanna sulal᷊ummu asasa'u-Nu, ariewe panansara si ya'u sulal᷊ummu pandarona-Nu.

DARALO 38:2 Referans Kwoze

DARALO 32:4

Allo ṛabbi I'o mannasa'u, Mawu, i ya'u niasueannu ikkata niiṛṛuppu matannallo.

AYUB 6:4

Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.

LAL᷊ALLU 3:12

I Tou nangannatta darangean-Ne, wuṛṛu i ya'u naola'a tatarangannu anaan-Ne.

DARALO 64:7

I mangitou manggol᷊agu al᷊al᷊eo, wuṛṛu mabbisara, “ I yami ma'ola'a hol᷊agu apande apan tawe asingkatanna.” Naungnga wuṛṛu apapian taumata tumanite mal᷊al᷊umma, tawe asingkatanna.

DARALO 21:12

Amungkangu i mangitou manggol᷊aga lumawanga ratu, wawahian mangitou tawe gessine.

1 SAMUEL 6:9

Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”

1 SAMUEL 5:11

Ana waugu udde i mangitou namaggo anambon ratun Filistin tadea'u ma'ammulla, ana see nabbisara, “Welenga'e Wantallu Pa'airen Mawu Ruatan Israel udde sutampane paarorone tadea'u i ite wuṛṛu amonanni ite tawe mate.” Su ahewallu soa nariaddi atata'utta ana waugu Ruata nakkumannu tumanangnge ringannu radda'a apan tumaniten mawakkatta.

1 SAMUEL 5:6

Wua'udde Mawu nakkuumannu tumana'u Asdod wuṛṛu wageangngu leta'a maranine ringannu manga hanne su waddangngi mangitou.

RUT 1:13

apa iraddua maarangatta i tou mahewalla? Mangal᷊ene ana waugu olangnge udde iraddua maddirite maawingngu taumata waine? Tawe, ana'u, ariewe aroddi! I ya'u massusa apa apan niapendamanni yamiu ana waugu ṛuumannu Mawu si ya'u.”

TAHIUL᷊E 2:15

Mawu sidutu lullawangnga si mangitou na'oman sara i mangitou sarangkanambone nate.

DARALO 6:2

Mawu, ariewe manggesekka si ya'u ringannu asasa'u-Nu, ariewe makkuumangku sulal᷊ummu wawuṛṛeang-Ngu.