DARALO 37:6 - WUKE SUSI WATTI'U AL᷊AL᷊USASSA

⁶ I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

DARALO 37:6 Referans Kwoze

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

AYUB 11:17

Pabbiaṛṛannu sarun maola'a massemaṛṛanna wuassu allattune, wuṛṛu manga tempo marandumma sulal᷊ummu pabbiaṛṛannu asasemmake ere marua allo.

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

MATIUS 13:43

Wuṛṛu manga taumata apan ma'ola'a apulun Ruata sarun lumansiangnga ere matannallo sulal᷊ummu Runia Wakkun Ruata, Iamangngi mangitou. Nariaddi, amungkangngu pia tal᷊inga paddaringikka!”

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

DARALO 31:20

Aroddi anambone apapia-Nu apan nisaddia-Nu su taumata apan mangngimanna! Suapan taumata naasilo apapia apan niolang-Ngu, si mangitou apan uatillumma Si'o.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

YEREMIA 51:10

Umattu Mawu nabbisara, “Mawu buatte napal᷊iatta'a manungku i ite su samba'a apan naṛṛino. Wette inaite watukku Yerusalem wuṛṛu mabbatti'a poiaroddi apa apan buatte niola'u Mawu Ruatang kite.”