DARALO 37:3 - WUKE SUSI WATTI'U AL᷊AL᷊USASSA

³ Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

DARALO 37:3 Referans Kwoze

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

LUKAS 22:35

Wua'udde Mawu Yesus nabbisarate si mangitou, “Dorone su tempo i Ya'u nandolokki yamiu, tawe namalang kamiu mangapiddu dompetta, pato'a ara'e sapatu, apa auranganni yamiu su tempo udde?” “Tawe!” sasimbakki mangitou.

DARALO 4:5

Mangiladden atata'utta wuṛṛu ariete ma'ola'a rosa apia. Ṛingira'e ringannu mal᷊annaba sutempo i'o ual᷊allowanga

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

TAHIUL᷊E 30:20

Pandangngute Mawu Ruatanu, paatuṛṛutta si Tou, wuṛṛu paatammuda tumuṛṛutta si Tou. Ne i yamiu wuṛṛu papapulunnu sarun mabbiakka wuṛṛu uukka mal᷊o'engnga su wanua apan nipa'iren Mawu su iupungngu al᷊amonanu, i Abraham, i Ishak wuṛṛu i Yakub.”

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

PANDARIADDI 26:2

Olangnge udde niolangnge ana waugu Mawu buatte namasilon batanganne si tou wuṛṛu nabbisara, “Imbaṛṛangnga inai watukku Mesir; atana'e su wanua indi, ere buatte Ta'u nirolokka si'o.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

1 MARARATU 19:6

I Elia na'ellega su pal᷊iwunne, ana see niasiloanna maranin puane sampoto roti wua nitambunna wuṛṛu wensadda lal᷊oṛṛoannu ua'e. Ne i tou inumante wuṛṛu na'inumma, see nilumallowangnga apia.

AMSAL 3:5

Pangimante Mawu ringannu ahewallu naungngu, wuṛṛu ariete mangasakku pasasunnanu sassane.