DARALO 37:22 - WUKE SUSI WATTI'U AL᷊AL᷊USASSA

²² Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

DARALO 37:22 Referans Kwoze

AMSAL 3:33

Mawu mamontoga wal᷊en taumata lal᷊eo, arawe mangngal᷊amatta wal᷊en taumata apan matuṛṛutta si Tou.

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

DARALO 37:9

Ana waugu taumata apan ma'ola'a al᷊al᷊eo, sarun ṛaddaanna, arawe isai uaantimma Mawu sarun manahuanna leta'a udde.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

DARALO 128:1

Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

DARALO 119:21

I'o nanagu taumata apan mawunga, wuṛṛu namontoga taumata apan sinumewadda wuassu parenta-Nu.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

DARALO 37:18

Mawu ual᷊u'adda wiakku taumata susi, darotongnga pussa'an mangitou saran mal᷊annu-l᷊annu.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

DARALO 32:1

Daralon Daud. Aantari tatantiro. Lal᷊umanna'a su taumata apan rosane niampunganna, wuṛṛu pasasal᷊ane nipappassa.

AYUB 5:3

Su paassa i ya'u naasilo taumata woddo; wiakke aellehanna tumaniten matohassa. Arawe inaṛṛombanganne ta'u niwontohanna tampa atatanaanne.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

DARALO 25:13

I mangitou sidutu mabbiakka su lal᷊umanna'a, ana'a papapulunni mangitou sarun manahuanna leta'a pussa'a.

YESAYA 57:13

Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”