DARALO 37:21 - WUKE SUSI WATTI'U AL᷊AL᷊USASSA

²¹ Taumata lal᷊eo mabballasa arawe tawe mamelengnga, arawe taumata mapia mangonggolu ringannu naungnga mal᷊uassa.

DARALO 37:21 Referans Kwoze

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

DARALO 112:5

Lal᷊umanna'a su taumata apan masaṛṛionto'a naungnge wuṛṛu apulune mappawallasa wuṛṛu matul᷊idda su al᷊awo'u manara.

AMSAL 22:7

Taumata asiangnga tataṛṛinoannu taumata ala; taumata apan mabballassa tataṛṛinoannu taumata apan napawallassa.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

TAHIUL᷊E 28:12

Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

LUKAS 6:30

Amungkangngu taumata madorongnga sarannapa si yamiu, anggil᷊a'a lai udde si tou; wuṛṛu amungkangngu darotongngu aṛṛoanna, arie padoronge apia.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.