DARALO 37:15 - WUKE SUSI WATTI'U AL᷊AL᷊USASSA

¹⁵ Arawe taumata lal᷊eo sarun a'usu'annu hal᷊elene sassane, darangeanni mangitou sarun paddianna.

DARALO 37:15 Referans Kwoze

DARALO 35:8

Wala'e i mangitou aemaannu papate ringannu awagananna. Wala'e i mangitou asametannu seddane sassane ana see manawo wuṛṛu mate.

HOSEA 1:5

Tempo udde su Wawal᷊annu Yizreel i Ya'u sarun makkimunsa'a atatohassu tantaran Israel.”

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

DARALO 46:9

Wette, pa'ellege apa apan nimanaran Mawu; aroddi maatiangnga manara-Ne su runia!

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

YESAYA 37:38

Su allo sambau, sutempo i tou tantal᷊anna mattaṛṛamawu sulal᷊ummu kuil Monganna Nisrokh, i tou nipaten hal᷊ele ṛattanganni Adramelekh wuṛṛu Sarezer, manga parinsine. Wua'udde i mangitou tinumal᷊angnga watukku Ararat. Ne Esarhadon, sinangianne, nabbal᷊i ratu nallol᷊ossa si tou.

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.

1 SAMUEL 2:4

Anaannu atumannaṛanne napaddite, arawe lembon matohasse taumata lome.

MIKHA 5:6

Taumatan Israel apan lambene sarun maola'a ere wal᷊angngukka apan masuge wuassu Mawu hunan anambon balahanna, wuṛṛu ere uranna nangansalla su sinuananna. I mangitou sarun mangunsandakka su Ruata wuṛṛu wal᷊ine su taumata.

ESTER 9:16

Manga taumatan Yahudi apan uatana'a su manga propinsi lai buatte naammulla wuṛṛu nanahekku watanganni mangitou. I mangitou namaddon seenne wuṛṛu namate 75.000 suatoune apan maddantinni mangitou. Arawe i mangitou tawe nangaṛṛo.

ESTER 9:22

Ana waugu ete su manga allo udde i mangitou buatte namaddon manga seetti mangitou, na'oman sara asasusa wuṛṛu atataddu'i mangitou nawal᷊u naola'a al᷊al᷊uassa wuṛṛu lal᷊ala'a. Ana waugu udde i mangitou ṛinone mallaghun manga allo udde ringannu andeangnga wuṛṛu sal᷊iwangnga see uaa'onggollu anna wuṛṛu mattahia aonggolla su taumata asiangnga.

DARALO 34:22

Taumata lal᷊eo sarun mate ana waugu al᷊al᷊eone, taumata apan maddantinu taumata susi sarun iṛṛuumanna.

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.