DARALO 37:11 - WUKE SUSI WATTI'U AL᷊AL᷊USASSA

¹¹ Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

DARALO 37:11 Referans Kwoze

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

DARALO 119:165

Taumata apan marangngu tita-Nu mal᷊angnganna wuṛṛu matammudda, taweddu maasal᷊are si mangitou.

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

DARALO 36:8

Tumaniten maarega darangngu-Nu, oh Ruata, taumata uasirungnga sulal᷊ummu al᷊ungngu papaiddu Mawu.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

DARALO 25:13

I mangitou sidutu mabbiakka su lal᷊umanna'a, ana'a papapulunni mangitou sarun manahuanna leta'a pussa'a.

YESAYA 57:13

Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”