DARALO 36:9 - WUKE SUSI WATTI'U AL᷊AL᷊USASSA

⁹ I mangitou nal᷊aiddu anna su Wal᷊en-Nu, ringannu ua'e wuassu sal᷊ukku Mawu apan maatohassa.

DARALO 36:9 Referans Kwoze

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.

AYUB 29:3

I Tou sidutu mangnggollu aontolla si ya'u, I Tou sidutu mannemakka si ya'u sutempo u'amatta sulal᷊ummu ararandumma.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.