DARALO 36:6 - WUKE SUSI WATTI'U AL᷊AL᷊USASSA

⁶ Mawu, darangngu-Nu ere atanggaku langitta, wuṛṛu atatul᷊iddu Mawu naddatingu winabbawa.

DARALO 36:6 Referans Kwoze

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 71:19

Oh Ruata, atatul᷊iddu nappatakku langitta; tumaniten wahewalla manga inolaan-Nu; isai wotongnge maasul᷊ungnga Si'o?

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

DARALO 97:2

I Tou papal᷊iwutannu winabbawa wuṛṛu ararandumma; atatul᷊idda wuṛṛu tita uddewe sasariannu araratuan-Ne.

DARALO 92:5

Ana waugu inolaan-Nu maal᷊uassa naungku, i ya'u mangngantari lulluassa ana waugu manara-Nu.

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

YUNUS 4:11

Tawe mariaddi i Ya'u tawe masusa maṛṛingiddu Niniwe, soa apan wahewalla udde. Ana waugu wal᷊ine wuassu manga winatangnge apan tawe iareengnga udde, isudde pia lai 120.000 su atoune al᷊aṛṛana'a apan ta'e wagga suapa mapia wuṛṛu suapa al᷊al᷊eo.”

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

DARALO 147:9

I Tou napaannu winatangnga, wuṛṛu su ana'u manu'a gagak apan sidutu sussio'a.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

AYUB 7:20

Ei Mandariaga'u, marugite I'o ana waugu rosa'u? Anio I'o nappaattu maola'a tataṛṛangannu anaan-Nu? Aroddi awakkanne i ya'u maola'a winabbawa-Nu?

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

1 SAMUEL 14:15

Arariadianna udde naata'utta taumatan Filistin su paddasananna wuṛṛu su manga wadda'a. Anambon tumana'u Filistin ringannu manga tampa pandariaganna wuṛṛu manga ammul᷊annu taṛṛa aṛṛo mangke nata'utta; ewe'e lai runia niumio'a, wuṛṛu nariaddite aal᷊iba'ukka apan masaddatta.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

SASABANGNGA 9:28

Aal᷊iomatee su Mawu; yami mal᷊annute uatataṛṛangnga ana waugu rallu'a wuṛṛu uranna masunge indi. I Ya'u sarun mamallossi yamiu inai. I yamiu ariete pa'atana'a isindi lai.”

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.

DARALO 31:20

Aroddi anambone apapia-Nu apan nisaddia-Nu su taumata apan mangngimanna! Suapan taumata naasilo apapia apan niolang-Ngu, si mangitou apan uatillumma Si'o.

LAL᷊ALLU 3:23

sidutu wakku suapan marua allo atonna, Mawu tumaniten satia!