DARALO 36:4 - WUKE SUSI WATTI'U AL᷊AL᷊USASSA

⁴ Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

DARALO 36:4 Referans Kwoze

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

DARALO 97:10

Ei i yamiu apan mandangngu Mawu, aratinten al᷊al᷊eo! Ana waugu Mawu ual᷊u'adda wiakku al᷊aṛanang-Nge, i Tou namallossi mangitou wuassu taṛṛinon taumata lal᷊eo.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

WATTI'U MANGA RASUL 23:12

Tiṛṛabbine ruaallo atonna, manga taumatan Yahudi, nanattakke ma'ammula. I mangitou nassalu tawe umanna ara'e ma'inumma amungkangngu i mangitou taambe naapate si Paulus.

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YEREMIA 8:6

I Ya'u buatte naddaringikka mapia-pia, arawe i yamiu buatte nabbisara su ereapa olangnge. Tawe saran sangkatou wuassi yamiu sumassillu inolaanna apan dal᷊eo. Taweddu mabbisara, ‘Apate pasasal᷊a'u?’ I yamiu sarangkanambone maddea'a lal᷊annu sassane naal᷊ihidda awal᷊o sinumutta su tampan papangaloanna.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

AMSAL 24:23

Manga taumata pande buatte nabbisara ereindi: Mallaṛṛuungnga tawe wotongnge mangempe samba'a.

DARALO 52:3

Ei taumata matohassa, anio i'o mammungan al᷊al᷊eonu, su taumata apan arangnguannu Ruata?

DARALO 38:12

Manga hawe'u mallinda'a ana waugu radda'u, ewe'e manga tuṛṛangku mangngindauute lai.

AYUB 15:16

Nangillembote lai taumata apan dal᷊eo wuṛṛu napenen pasasal᷊a, apan ma'inumma al᷊al᷊eo naal᷊ihidda ua'e.

ESTER 6:4

Ana see ratu naiwal᷊o, “Isai wuassu mamanara'u apan orassa indi sulal᷊ummu wal᷊en araratuanna?” Inauranna Haman wakkute sinumutta su rallakku wal᷊en araratuanna; i tou inai maddorongnga su ratu manggantongngi Mordekhai su diṛṛi apan buatte niaparisikka udde.

ESTER 5:14

Naaringikka udde awingnge wuṛṛu anambon manga hawene naṛṛingidda arendi, “Doloṛṛa'e ma'ola'a diṛṛi panggahantonganna atanggakke daruan pul᷊o dua su meterene. Ana see tiṛṛabbine, marua allo atonna paddorongke su ratu tadea'u manggantongngi Mordekhai su diṛṛi udde. Ringannu aroddi i'o wotongnge inai watukku sal᷊iwangnga udde ringannu naungnga apan matammudda.” Ṛingidda udde mapia atonna tumuṛṛuttu addapatti Haman, ana waugu i tou lapiddu napaola'u diṛṛi panggahantonganna udde.

1 SAMUEL 19:11

Su ṛabbi udde lai i Saul nandolokku manga taumata inai su wal᷊en Daud iapal᷊inge si Daud wuṛṛu iapapate marua'allo udde lai. Arawe i Mikhal awingnge nabbisara si tou, “Amungkangu i'o tawe tumal᷊angnga ṛabbi indi, tiṛṛabbi marua allo i'o sarun pateanna.”

AMSAL 24:2

I mangitou tumba'u maṛṛingiddu araṛṛagissa wuṛṛu tumba'u maggahatton apa apan maasilaka.

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”