DARALO 35:10 - WUKE SUSI WATTI'U AL᷊AL᷊USASSA

¹⁰ Ringannu ahewallu naungnga i ya'u nabbisara, “Mawu, I'o tawe sul᷊ungnge! I'o namallossu taumata lome wuassu taumata matohassa, iapa asiangnga wuṛṛu susa wuassu mananansarane.”

DARALO 35:10 Referans Kwoze

DARALO 140:12

Wala'e taumata apan ma'ola'a pabbawawul᷊o aṛiaannu asasilaka, arie pabbala'a taṛṛa al᷊uandaga uatana'a su runia.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

DARALO 109:31

Ana waugu i Tou nangambanga wuṛṛu nanal᷊amatta taumata asiangnga wuassi mangitou apan nangema'u ṛuumanna mate si tou.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

DARALO 71:19

Oh Ruata, atatul᷊iddu nappatakku langitta; tumaniten wahewalla manga inolaan-Nu; isai wotongnge maasul᷊ungnga Si'o?

DARALO 51:8

I'o maddoronga atatul᷊iddu naungnga; loṛṛoiten naungku ringannu apande-Nu.

DARALO 18:17

Wua doso Mawu nangul᷊ukku lima-Ne; I Tou nangagassa si ya'u wuṛṛu i Tou namatunna si ya'u wuassu ua'e apan mal᷊al᷊umma.

DARALO 38:3

Anaan-Nu nallappasa nallessa wadangku, lima-Nu pendamanna mawakkata uaumpisanna si ya'u.

DARALO 34:20

Tumaniten manambo asasusan taumata mapia, arawe Mawu namallossi tou wuassu sarangkanambone udde.

DARALO 32:3

Su al᷊annune i ya'u tawe manga'u rosa'u, i ya'u lome ana waugu sussal᷊iomanna su al᷊o'engngu allo.

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

DARALO 102:3

Ariewe mangindau'u napawe i ya'u sulal᷊ummu asasusa. Daringiṛṛewe napawe i ya'u sumal᷊ande, wuṛṛu simbakkawe si ya'u ringannu mal᷊ihakka.

DARALO 69:33

Naasilo udde, taumata niallangnga lulluassa, taumata apan massubba Ruata naungnge wahewalla.

DARALO 37:14

Taumata lal᷊eo mannawutta hal᷊ele wuṛṛu mammiti'u anaanna ipamate taumata asiangnga wuṛṛu su awussa, ipakkata taumata apan mabbiakka matul᷊idda.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

DARALO 22:24

Paddalote si Tou, ei manga taumata apan mangngimanna! Wantuhete i Tou, ei anambon papapulunni Yakub! Al᷊intuddate su saruan-Ne, anambon papapulunnu Israel!

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

2 SAMUEL 22:18

I Tou nanal᷊amatta si ya'u wuassu seetta apan matohassa wuṛṛu wuassu manga taumata apan maddantingku ana waugu i mangitou tumaniten matohassa su saruangku.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

DARALO 103:6

Mawu napaamattu tita wuṛṛu atatul᷊idda su anambon taumata apan niallangnga.

DARALO 140:13

I ya'u masingkatta I'o nangonggolu atatul᷊idda su taumata apan niallangnga, wuṛṛu nanamba'a hatton taumata asiangnga.

DARALO 146:7

I Tou nangambanga manga taumata apan niallangnga, wuṛṛu nangonggolu anna su taumata apan mal᷊unussa. Mawu namallossu manga taumata apan tataṛṛanganna,

YEREMIA 20:13

Pangantarite su Mawu wuṛṛu paddalote si Tou ana waugu i Tou namallossu taumata niallangnga wuassu taṛṛinon taumata mapotol᷊osanna.