DARALO 34:9 - WUKE SUSI WATTI'U AL᷊AL᷊USASSA

⁹ Pendamete sassane aroddi apiane Mawu, lal᷊umanna'a taumata apan uasirungnga si Tou.

DARALO 34:9 Referans Kwoze

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

DARALO 31:23

Sulal᷊ummu i ya'u niumal᷊ingu i ya'u massunna Mawu buatte nandamme'u wuassu araratuan-Ne. Arawe i Tou buatte naddaringikka sasal᷊ande'u sutempo i ya'u sinumal᷊ande si Tou.

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

DARALO 22:23

Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!