DARALO 34:18 - WUKE SUSI WATTI'U AL᷊AL᷊USASSA

¹⁸ Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

DARALO 34:18 Referans Kwoze

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

DARALO 145:18

I Tou maranin taumata apan sussal᷊ande si Tou, wuṛṛu maddorongnga si Tou ringannu naungnga waresi.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

YEHEZKIEL 36:26

Ne i yamiu Ta'u onggol᷊annu naungnga apan bakku wuṛṛu ṛingiṛṛanna apan bakku. Naungngu apan maatikka ere watu udde sarun Ta'u hantiannu naungnga apan matuṛṛutta.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

DARALO 119:151

Arawe I'o marani, oh Mawu, al᷊awo'u parenta-Nu naṛṛino.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

DARALO 75:1

Su piaṛṛa'u mangangantari. Tumuṛṛuttu antari: Imbaṛṛangnga mamate. Daralon Asaf. Aantari.

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

DARALO 18:7

Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.