DARALO 34:14 - WUKE SUSI WATTI'U AL᷊AL᷊USASSA

¹⁴ Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

DARALO 34:14 Referans Kwoze

DARALO 37:27

Tantanga'e taumata lal᷊eo, pa'ola'e apapia, ne saran mal᷊annu-l᷊annu papapulunnu sarun manahuanna leta'a udde.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

1 PETRUS 3:11

I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

ROMA 12:18

Wuassu sambaanu padea'a mabbiakka su paddarame ringannu taumata nambo.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

1 TESALONIKA 4:11

Pattinsahadde mabbiakka ringannu matammudda wuṛṛu tawe mailal᷊o'a su hatton taumata waine. Ṛinone i yamiu mammanara maddea'a anni yamiu sassane, ere lai yami dorone suete nandolokki yamiu.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

MATIUS 5:9

Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

AMSAL 13:14

Al᷊aṛṛa'u taumata pande naal᷊ihidda al᷊iwombongngu lal᷊umanna'a; napawe piaddu manggol᷊aga, al᷊aṛṛa'a udde mannal᷊amatta.

DARALO 120:7

Napawe i ya'u mabbisara su ola'u paddarame, i mangitou manggol᷊agu pangalo.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

DARALO 39:2

Ṛingi'u, “I ya'u maapulu mallu'adda waddangnga tadea'u tawe marosa ringannu lila'u. I ya'u maddiri mabbisara tantal᷊anna taumata lal᷊eo ta'e marani.”

AMSAL 4:24

Imbaṛṛangnga saran paassa mabbisara tawe suṛṛinone. Paaraua'e manga wisara wahia wuṛṛu manga wisara apan pandumanne i pangngil᷊iwun taumata.