DARALO 34:10 - WUKE SUSI WATTI'U AL᷊AL᷊USASSA

¹⁰ Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

DARALO 34:10 Referans Kwoze

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

DARALO 104:21

Manga singa saṛṛen tumuwo mammiṛonganna maddea'a wiakke, maddorongnga anna apan buatte nisaddian Duata.

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

DARALO 112:3

Amonanne sarun maala wuṛṛu su pabbawiakke, wuṛṛu i tou sarun su lal᷊umanna'a saran mal᷊annu-l᷊annu.

AMSAL 10:3

Mawu sarun mamalan taumata mapia amal᷊unusanna; arawe i Tou mannal᷊awa'a taumata lal᷊eo tadea'u taumata udde tawe maasomba apa apan ipaapulune.

AMSAL 19:23

Pangaddate Mawu, ne wiakku sarun su lal᷊umanna'a; i'o sarun mawusa wuṛṛu mal᷊iu wuassu silaka.

AMSAL 22:4

Taumata apan ma'imanna Mawu wuṛṛu sussallungngu watanganne, sarun su lal᷊umanna'a, mal᷊uassa wuṛṛu aaddatanna.