DARALO 34:1 - WUKE SUSI WATTI'U AL᷊AL᷊USASSA

¹ Daralon Daud, sutempo mangngawusu wewa su saruanni Abimelekh, na'oman sara i tou nilimbuaṛṛana ana see nassal᷊iute.

DARALO 34:1 Referans Kwoze

1 TESALONIKA 5:18

Sulal᷊ummu alawo'u inolaanna ṛinone i yamiu maadiangkamanna, ana waugu eteudde ipaapulun Duata wuassi yamiu taumata apan mabbiakka uaaukka ringanni Kristus Yesus.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

DARALO 71:8

I ya'u sidutu maddalo Si'o, su al᷊o'engngu allo ta'u iapasingkatta awawantu-Gu.

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

DARALO 71:6

Su al᷊o'engngu pabbiaṛṛangku i ya'u uaunsandakka Si'o, I'o ual᷊u'adda si ya'u ro'en i ya'u niasungkanga ne i ya'u sidutu maddalo si'o.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

PANDARIADDI 20:2

i tou nabbisara manungku i Sara awingnge udde tuarine. Ana waugu udde i Ratu Abimelekh wuassu Gerar nandolokku daroloṛṛanne mangapiddi Sara ringanni tou.

PANDARIADDI 26:1

Su wanua udde nirumantate lai ṛutumma ere lai buatte nariaddi su tempon Abraham. I Ishak sinumaruanna si Abimelekh, ratun taumatan Filistin, su Gerar wuṛṛu madorongnga matana'a poiaroddi.

1 SAMUEL 21:11

Manga mandariagane namasingkatta si Akhis arendi, “Wal᷊inewe i tou indi i Daud, ratu su wanuane? Wuṛṛu wal᷊inewe tumba'u si tou manga wawine tempo udde massal᷊aingnga lapiddu mangngantari arendi, ‘i Saul namate seetta suṛṛiwune, arawe i Daud su pul᷊o ṛiwune?’ ”