DARALO 33:15 - WUKE SUSI WATTI'U AL᷊AL᷊USASSA

¹⁵ Ete i Tou apan nangatokku naungngi mangitou, wuṛṛu namasingkattu al᷊awo'u inolaanni mangitou.

DARALO 33:15 Referans Kwoze

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

AMSAL 27:19

Su ereapa ua'e pallintauannu hatinu, aroddi lai hatinu mapal᷊iatta'u watangannu.

AMSAL 24:12

I'o wotongnge mabbisara, “Udde wal᷊ine manara'u.” Arawe Ruata ual᷊u'adda si'o. I tou masingkatta wuṛṛu makkungnga ṛingirannu. I tou mabbal᷊issa taumata tumuṛṛuttu inolaanne.

AMSAL 22:2

Taumata ala wuṛṛu taumata asiangnga pia sambau inolanna apan uasul᷊ungnga: ete Mawu apan nandiaddi si mangitou sarangkanambone.

AYUB 11:11

Ruata masingkattu taumata apan taṛṛa wahia; al᷊al᷊eon mangitou tawe mal᷊iudda wuassu mata-Ne.

AYUB 10:8

I ya'u indi nilanginnu lima-Nu, ṛatadde orassa indi I'o mamate si ya'u?

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.