DARALO 33:12 - WUKE SUSI WATTI'U AL᷊AL᷊USASSA

¹² Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

DARALO 33:12 Referans Kwoze

DARALO 144:15

Lal᷊umanna'a su walahanna apan ereudde, lal᷊umanna'a su taumata apan Ruatane Mawu!

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

DARALO 65:4

Manga rosa'u tumaniten mawakkata si ya'u, arawe I'o mangke nangampungnga.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

2 SAMUEL 20:19

Soan kami Abel indi wahewalla, sambau soa apan matammudda wuṛṛu matuṛṛutta su leta'u Israel. Anio i Tuangnga pia pandumma mankkimunsa'a soa udde? i Tuangnga maapulu manggohakka leta'a pussa'an Mawu?”

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.