DARALO 33:10 - WUKE SUSI WATTI'U AL᷊AL᷊USASSA

¹⁰ Mawu nanal᷊are hol᷊agu manga walahanna, i Tou napaawul᷊i apulun mangitou.

DARALO 33:10 Referans Kwoze

DARALO 21:11

Wuassu papapulunni mangitou taweddu nallambe, ratu sarun mamate si mangitou sarangkanambone.

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

DARALO 140:8

Mawu, Ruata'u, mananal᷊ama'u apan matohassa, I'o buatte nallu'adda si ya'u sulal᷊ummu pangalo.

DARALO 9:15

tadea'u i ya'u maddalo Si'o su saruannu tumana'u Yerusalem. I ya'u sarun lumala'a lulluassa ana waugu I'o nanal᷊amatta si ya'u.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

2 SAMUEL 15:34

Arawe i'o wotongnge mantul᷊ungku, amungkangu i'o mabbelengnga watukku soa wuṛṛu mabbisara si Absalom, manungku orassa indi i'o ṛinone mangimbe si tou ringannu matuṛṛutta, ere lai i'o buatte nangimbe iamangnge dorone. Ringannu olangnge aroddi i'o wotongnge maasongkakku al᷊awo'u tatantiron Ahitofel.

PANDARIADDI 11:8

Etearoddi Mawu nanal᷊iawukki mangitou su ahewallu runia. Ana see i mangitou nangillol᷊ote napararisikku soa udde.

2 MARARATU 6:9

Arawe i Elisa napaapiddu watti'a su ratun Israel mapanaungngi tou tadea'u arie inai watukku tampa udde, ana waugu manga taumatan Siria inanaramanne u'amatta su lal᷊anna udde.

NEHEMIA 4:9

Ana waugu udde i yami niumal᷊iomanna su Ruatan kami wuṛṛu mallu'adda soa udde alo ṛabbi.

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

YEHEZKIEL 20:32

I yamiu maapulu massulungngu manga walahanna waine wuṛṛu tumana'u manga wanua waine apan maasubba aaluanna wuṛṛu watu. Arawe apulunu udde tawe maola'a.’ ”

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”