DARALO 31:7 - WUKE SUSI WATTI'U AL᷊AL᷊USASSA

⁷ Taumata apan massubba paal᷊uanna ipabbinsi-Nu; arawe i ya'u mangimanna Si'o Mawu.

DARALO 31:7 Referans Kwoze

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

DARALO 119:153

Pa'ellege asasusa'u wuṛṛu sal᷊amatewe i ya'u, ana waugu i ya'u tawe manantangngu tita-Nu.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

LAL᷊ALLU 3:50

maddatingngu I'o, oh Mawu su surga, ual᷊u'adda si yami.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

DARALO 142:3

Su saruan-Ne i ya'u ma'ial᷊are; ta'u niapasingkatta asasusa'u si Tou.

DARALO 71:20

I'o nangonggola si ya'u manambo asasusa mawakkata, arawe I'o sarun mamelengngu ikka'u wuṛṛu mamangunna si ya'u wuassu labbinga.

DARALO 13:5

Arie pabbala'a see'u mabbisara manungku i mangitou buatte namaddo'u. Arie pabbala'a i mangitou manappissi'a si ya'u.

DARALO 9:13

Ana waugu i Tou uanaungnga taumata apan uatatarangnga wuṛṛu tawe maabul᷊in sasal᷊iomanni mangitou; taumata apan lullawangnga sarun iṛṛuuman-Ne.

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

DARALO 90:14

Onggol᷊aawe darangngu-Nu si yami suapan marua allo, tadea'u i yami sidutu lullala'a wuṛṛu mangngantari su al᷊o'engngu pabbiaṛṛanni yami.

DARALO 25:18

Ellehewe sansara wuṛṛu asasusa'u, wuṛṛu ampungewe anambon rosa'u.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

AYUB 10:9

Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

LAL᷊ALLU 5:1

Naungete, oh Mawu, apan apan nariaddi si yami. Tannoite i yami, wuṛṛu ellehete al᷊al᷊eon kami.