DARALO 31:4 - WUKE SUSI WATTI'U AL᷊AL᷊USASSA

⁴ Ore, I'o naal᷊ihidda wowone watu wuṛṛu tanda'a watu apan matohassa si ya'u! Ehettawe i ya'u ere buatte nipa'ire-Nu.

DARALO 31:4 Referans Kwoze

DARALO 25:15

Mata'u sidutu ua'ellega Mawu, ana waugu i Tou nanal᷊amatta si ya'u wuassu asasilaka.

DARALO 140:5

Oh Mawu, liuaawe i ya'u wuassu taṛṛinon taumata lal᷊eo, riagaiwe i ya'u su saruannu taumata apan mandantan pabbawawul᷊o apan pia pandumma mangema'u.

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

DARALO 57:6

Oh Ruata, pal᷊iatta'e awawantu-Gu su langitta, wuṛṛu awasa-Nu su ahewallu runia.

DARALO 19:14

Paarauaawe i ya'u wuassu rosa apan nipattatudda, ariewe pabbala'a i ya'u tataṛinoanne. Ne i ya'u naola'e tawe sangkulle, wuṛṛu nal᷊iute wuassu pasasal᷊a mawakkata.

AMSAL 29:5

Isai maddalo sansul᷊ungnge taumata, mantaingngu sedda su watanganne sassane.

DARALO 124:7

I ite naal᷊ihidda manu'u winalanganna apan napallossa wuassu seddan lumalul᷊u, sedda udde nabassutta, wuṛṛu i ite napallossa!

DARALO 35:7

Tawe gunane i mangitou mantaingngu sedda si ya'u ara'e maal᷊i loṛṛangnga ipanametta si ya'u.

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

DARALO 18:3

Mawu naal᷊ihidda tanda'a watu apan matohassa tampa i ya'u uatullindumma. Ruata'u naal᷊ihidda wowon batu tampa i ya'u uasirunga. Naal᷊ihidda allunga i Tou, uataappa si ya'u, wuṛṛu ual᷊u'adda si ya'u tadea'u sidutu mal᷊angnganna.

DARALO 23:3

I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.