DARALO 29:11 - WUKE SUSI WATTI'U AL᷊AL᷊USASSA

¹¹ Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

DARALO 29:11 Referans Kwoze

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YESAYA 40:29

I tou mannohassa taumata apan nal᷊otakka, mangngonggollu sasasa su taumata apan tawe maal᷊iore.

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

EFESUS 2:17

Ana waugu udde Mawu Yesus nirumanta namasingkattu Watti'u Al᷊al᷊uassa su ola'u paddarame udde si yamiu; mawae si yamiu wal᷊ine taumatan Yahudi apan rorone marau wuassu Ruata, ara'e lai su taumatan Yahudi apan marani Ruata.

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

DARALO 85:10

Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.