DARALO 28:9 - WUKE SUSI WATTI'U AL᷊AL᷊USASSA

⁹ Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 28:9 Referans Kwoze

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

DARALO 78:71

wuassu tampa i Tou uapadul᷊i inangngu domba, ipamiaṛṛa'u Israel al᷊aṛṛanang-Nge.

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”

MATIUS 2:6

‘I'o Betlehem, su wanua Yehuda, i'o atonna-tonna wal᷊inewe addio'anne su wallattu al᷊awo'u soa ahunanne su Yehuda. Ana waugu inasabanganne wuassi'o sarun dumanta sangkatou piaṛṛangnge, apan sarun mangehetta al᷊aṛṛana-U Israel.’ ”

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

EZRA 1:4

Amungkangngu pia sangkatou uman-Ne su tampan pamamuanganna indi apan maddorongnga sumbala tadea'u wotongnge mapul᷊e, ne manga al᷊indonganne ṛinone massumbala. I mangitou ṛinone mangonggollu si tou sal᷊a'a wuṛṛu wul᷊awanna. Wal᷊unna su amatanna see manga winatangnga pallurananna, wuṛṛu lai manga sasamba hunan Wal᷊en Mawu su Yerusalem.”

1 MARARATU 8:51

I mangitou uddewe uman-Nu sassane apan buatte niapiddu Mawu sinumabbangnga wuassu Mesir wanua suapa i mangitou nisansara.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

DARALO 25:22

Oh Ruata, pallosaawe al᷊aṛṛanang-Ngu wuassu al᷊awo'u asasusane.

1 MARARATU 8:53

I'o, oh Mawu Ruata, buatte namile si mangitou wuassu wallattu walahanna tadea'u maola'a uman-Nu sassane, ere buatte niwisara-Nu si mangitou wuassi allang-Ngu Musa, sutempo I'o nangehetta al᷊amonan kami sinumabbangnga wuassu Mesir!”

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

YEREMIA 31:7

Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YESAYA 46:3

Paddaringikke si Ya'u, ei papapulunni Yakub, i yamiu sarangkanambone lambene wuassu uma-Ku. I Ya'u buatte nappaddul᷊i si yamiu ro'en i yamiu niasungkanga.

DARALO 14:7

Antimanna wuassu Sion rumanta asasal᷊amattu Israel! Ne pallal᷊awanni Yakub sarun lumuassa napawe mangapia apia ola'u wiakku al᷊aṛṛanang-Nge.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

2 SAMUEL 21:3

wuṛṛu naiwal᷊o si mangitou, “Apate apan botongnge ta'u olaanna si yamiu? I ya'u mappulu mamaekka pasasal᷊a apan buatte niola'a si'o, tadea'u i yamiu mangal᷊amatta al᷊aṛṛana'u Mawu.”

2 SAMUEL 7:7

Su al᷊annune i Ya'u mammal᷊intadda suadio'a ringannu walahannu Israel, taambe saran paassa i ya'u naiwal᷊o su manga piaṛṛangnge apan buatte Ta'u nipile anio i mangitou tawe mapararisikku wal᷊e-U wuassu alu cemara wuasen Libanon.’

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

TAHIUL᷊E 1:31

wuṛṛu su wadda'a. I yamiu naasilo ereapa Mawu Ruatanu nangapiddi yamiu ringannu sal᷊amatta su al᷊o'engngu amatanna udde naddatingngu tampa indi, tawe paddaṛṛalanne naal᷊ihidda sangkatou iamangnga uasal᷊uru anangnge.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.