DARALO 28:3 - WUKE SUSI WATTI'U AL᷊AL᷊USASSA

³ Arie pamate si ya'u suadio'a ringannu taumata mal᷊awangnga, suadio'a ringannu taumata apan ma'ola'a al᷊al᷊eo. I mangitou uahahatto ringannu masaṛṛionto'a, arawe naungngi mangitou napenen awawukku'a.

DARALO 28:3 Referans Kwoze

DARALO 55:21

Hawe'u tabbe namangalo manga ringanne, i tou namal᷊u paairene.

DARALO 12:2

Ontol᷊ewe i yami, oh Mawu, ana waugu tate lai taumata mapia, taumata apan matuṛutta Si'o nawul᷊ite.

DARALO 26:9

I ya'u arie pappate suadio'a ringannu taumata marosa, ara'e manawutta niawa'u suadio'a ringannu taṛṛa pate.

MIKHA 3:5

Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

DARALO 62:4

Sara tingngera i yamiu sarangkanambone maapulu mamangalo sangkatou taumata apan erete darandunga uasoṛṛa wuṛṛu pale apan maraniten maṛṛa'a?

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

DARALO 52:1

Su piaṛṛa'u mangangantari. Aantari al᷊aṛṛa'i Daud,

DARALO 10:7

I tou sidutu mammontoga, mammansaga wuṛṛu mammahia, manga wisarane napenen ararantinna wuṛṛu al᷊al᷊eo.

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

DARALO 141:4

Paarauaawe i ya'u wuassu apulu ma'ola'a al᷊al᷊eo. Arie pabbala'a i ya'u maammulu taumata lal᷊eo wuṛṛu umanna suadio'a sulal᷊ummu andeangngi mangitou.