DARALO 27:6 - WUKE SUSI WATTI'U AL᷊AL᷊USASSA

⁶ Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

DARALO 27:6 Referans Kwoze

DARALO 3:3

Manambo lai mabbisara manungku Ruata tate mantul᷊ungku.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

DARALO 107:22

Wala'e i mangitou maadiangkamanna ringannu uaapiddu sasamba, wuṛṛu mabbatti'u inolaan-Ne ringannu manga aantarin lal᷊uassa.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

2 SAMUEL 22:49

I Tou nanal᷊amatta si ya'u wuassu manga see'u. Mawu, I'o nangonggollu si ya'u auntunganna su see'u, I'o nanirungnga si ya'u wuassu taumata apan maṛṛagissa.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

DARALO 95:1

Wette i ite mangantari maddalo Mawu, lullala'a su mananal᷊amatti ite!

2 SAMUEL 7:9

I Ya'u buatte nakkundinganna si'o su al᷊awo'u amatannu, wuṛṛu manga seennu buatte Ta'u nipate sutempo i'o napapangalo. I'o sarun tumelengnga ere lai manga piaṛṛangnge apan ahewal᷊anne su runia.

YEREMIA 31:7

Mawu nabbisara, “Pangantarite ringannu lulluassa su Israel uma-U – balahanna apan apianne wuassu anambon walahanna. Pangantarite aantarin daralo, wuṛṛu pabbatti'e; ‘Mawu buatte nanal᷊amatta si ngana'a lambene wuassu uman-Ne.’

DARALO 138:5

I mangitou sarun mangantarin inolaan-Nu wuṛṛu su ola'u awawantu-Nu apan wahewalla.

DARALO 110:7

Ratu sarun ma'inumma ua'en sal᷊ukka su winggin dal᷊anna, napawe nitohassa, i tou sarun maauntunga.

DARALO 81:1

Su piaṛṛa'u mangangantari. Tumuṛṛuttu antarin: Gitit. Wuassi Asaf.

DARALO 47:1

Daralon ṛuanganni Korah. Su piaṛṛa'u mangangantari.

DARALO 21:13

I Tou sarun mamiti'u anaan-Ne, na'oman sara i mangitou mabbelengnga wuṛṛu tumal᷊angnga.

DARALO 21:1

Su piaṛṛa'u mangangantari. Daralon Daud.

1 TAWARIKH 22:18

Wisarane, “Mawu Ruatanu buatte nantul᷊ungngi yamiu, nangonggolu paddarame wuṛṛu atatammudda su ahewallu wanua. I tou buatte namala'u namaddon anambon walahanna apan dorone uatana'a su wanua indi. Orassa indi i mangitou uasuṛṛubbawate si'o wuṛṛu su Mawu.

2 MARARATU 25:27

Su allo rua pul᷊o pitune wul᷊anna mapul᷊o dua sulal᷊ummu tonna tallun pul᷊o pitu, napawe i Yoyakhin buatte niapidda watukku panamuanganna, i Ewil-Merodakh naola'a ratun Babel. Su tonna udde lai i tou napal᷊iatta'u darangngune si Yoyakhin, wuṛṛu namallosi tou wuassu tattupanna,

2 SAMUEL 22:1

Napawe Mawu buatte nanal᷊amatta si Daud wuassu taṛṛinon Saul wuṛṛu wuassu al᷊awo'u seenne waine, i Daud nangantarin aantari indi su Mawu: [

PANDARIADDI 40:13

Sulal᷊ummu tallu allo indi i'o sarun ipallossu ratu, i tou sarun mangampunga si'o wuṛṛu mapa'awelengngu su manaranu paarorone. I'o sarun mangimben halasi pa'inumannu ratu ere paarorone.

PANDARIADDI 40:20

Tallu allo wua'udde eteudde allo niasungkangannu ratu, wuṛṛu i tou ma'ola'a andeangnga wahewalla su anambon mamanaran araratuanne. I tou mamarenta tadea'u mangangimben ua'e wuṛṛu mangangimben doti iapasabanga wuassu tutupanna wuṛṛu iapidda sumaruanna anambon mamanaran araratuanna.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

DARALO 57:8

I ya'u mangimanna atonna, oh Ruata, i ya'u mangimanna atonna, i ya'u mangantarite wuṛṛu maddalo Si'o.

DARALO 119:108

Daringiṛṛewe aal᷊iomannu aadiangkamangku, oh Mawu, wuṛṛu i ya'u tantiroiwen manga tita-Nu.