DARALO 26:9 - WUKE SUSI WATTI'U AL᷊AL᷊USASSA

⁹ I ya'u arie pappate suadio'a ringannu taumata marosa, ara'e manawutta niawa'u suadio'a ringannu taṛṛa pate.

DARALO 26:9 Referans Kwoze

DARALO 139:19

Antimanna taumata lal᷊eo sarun patean-Nu, oh Mawu, paarauaawe manga taṛṛa pate wuassia'u!

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

MATIUS 25:32

Al᷊awo'u walahanna sarun iammulla su saruan-Ne. See i Tou sarun maṛṛae mangitou maola'a ruang kadoananna ere mallal᷊u'adda domba maṛṛaen dombane wuassu ambingnga.

MATIUS 24:51

Ne mangangimbe udde sarun puul᷊annu mawune wuṛṛu iramme su tampa manga taumata lilangkamal᷊e'a. I mangitou sarun lumuai wuṛṛu matataṛṛangnga poiaroddi.”

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

DARALO 51:14

Olaawe i ya'u mal᷊uassa apia ana waugu asasal᷊amatta wuas-Si'o, i ya'u onggol᷊ewen naungnga apan sidutu matuṛutta Si'o.

2 SAMUEL 21:1

Sutempo i Daud uaparenta, nariaddite tempon elessa apan al᷊annune tallu tonna nattinggumma. Ana see i Daud naddorongnga tatantiro wuassu Mawu su ola'u arariadianna udde, wuṛṛu Mawu nabbisara, “Elessa indi ana waugu pasasal᷊an Saul wuṛṛu amonanne, i mangitou buatte namate manga taumatan Gibeon.”

2 SAMUEL 16:7

I Simei nandal᷊an Daud ringannu manga wisara, “Passal᷊iu! Passal᷊iu! Taṛṛa pate! Taumata lal᷊eo!

1 SAMUEL 25:29

Unnuwisara pia sangkatou apan mamangalo si Tuangku, ne i Tuangku sarun lu'arannu Ruata ere lai darotongnga apan rariagannu tatahuanne. Arawe seetti Tuangnga sarun iwaretan Mawu marau-rau, iwaretan taṛṛa ali-ali.