DARALO 26:11 - WUKE SUSI WATTI'U AL᷊AL᷊USASSA

¹¹ Arawe i ya'u mabbiakka ringannu naungnga matul᷊idda, akkanaawe wuṛṛu liuaawe i ya'u.

DARALO 26:11 Referans Kwoze

DARALO 69:18

Ariewe pa'imbuni wuassu allang-Ngu indi, ana waugu i ya'u massusa, paasaṛṛawutte mangontola si ya'u.

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

YESAYA 38:3

“Mawu, naungewe manungku i ya'u indi buatte nattaṛṛamawu Si'o ringannu satia wuṛṛu naungnga matul᷊idda. I ya'u sidutu mattinsahadda tuttuṛṛutta apulu-Nu.” Wua'udde i Hizkia nilumuai ringannu massusa.

DARALO 49:15

Naal᷊ihidda domba, i mangitou nitantunna iapaate; papate sarun maola'a mallal᷊u'addi mangitou. Marua allo i mangitou iawaddon taumata matul᷊idda; waddangi mangitou lapiddu mawukku'a su runian taumata nate, marau wuassu atatanaanna apan mal᷊uassa.

DARALO 49:7

I mangitou sarun mangasakku paa'alane, wuṛṛu mamungan darotongnge.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

NEHEMIA 13:31

Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 13:14

Oh Ruata'u, naungete al᷊awo'a apan buatte ta'u niola'a hunan Wal᷊en-Nu wuṛṛu pangangangimbene.

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

DARALO 101:2

I ya'u maapulu mattanno ola'u wiakka apan tawe sal᷊ane. Tingngerate I'o rumanta ringangku? I ya'u maapulu mabbiakka susi su wal᷊enu,