DARALO 25:9 - WUKE SUSI WATTI'U AL᷊AL᷊USASSA

⁹ Mawu nangehetta taumata apan naungnge mawawo, wuṛṛu nangaṛṛa'u apulu-Ne si mangitou.

DARALO 25:9 Referans Kwoze

DARALO 23:3

I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

GALATIA 5:23

i mangitou masaṛṛionto'a, wuṛṛu wotongnge maataṛṛangnga apulun naungnga. Tawe titan agama apan manningaddu manga inolaanna ereudde.

MATIUS 5:5

Lal᷊umanna'a su taumata apan naungnge mawawo; Ruata sarun manipussa paaire-Ne si mangitou!

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 147:6

I Tou napararisikku taumata apan niallangnga, arawe taumata lal᷊eo niemang-Nge su leta'a.

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

DARALO 119:66

I ya'u aonggol᷊ewen apande wuṛṛu asingkatta, ana waugu mangngimanna su manga parenta-Nu.

DARALO 119:35

Antimanna i ya'u uaagassa matohassa su parenta-Nu, ana waugu eteudde apuluangku.

DARALO 76:9

Wuassu langitta I'o namasingkattu raṛṛawen-Nu; runia nata'utta wuṛṛu mal᷊annabba.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

DARALO 27:11

Pantingira'awe si ya'u apulu-Nu, oh Mawu, ehettawe i ya'u su lal᷊anna apan matul᷊idda, ana waugu see'u tumaniten manambo.

DARALO 22:26

Supattangannu ammul᷊annu taumata i ya'u maddalo Si'o, ana waugu sarangkanambone apan buatte niolang-Ngu. Su saruannu taumata apan mangngimanna i ya'u nangonggolu sasamba apan ta'u pina'ire.

IBRANI 10:20

Mawu Yesus suete namu'a sambau lal᷊anna apan wakku si ite, eteudde lal᷊anna apan mangngonggolu pabbawiakka. Lal᷊anna udde sumabbi passaranne eteudde i Kristus sassane.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

WATTI'U MANGA RASUL 9:2

wuṛṛu madorongnga surattu parenta inai su manga piaṛṛa'u wal᷊en pattataṛṛamawuannu taumatan Yahudi su Damsyik, tadea'u amungkangngu i tou maaratingnga poiaroddi manga taumatan apan mangngimanna Mawu Yesus, i tou wotongnge manametta wuṛṛu mangapiddi mangitou su Yerusalem.