DARALO 25:4 - WUKE SUSI WATTI'U AL᷊AL᷊USASSA

⁴ Pantingira'e apulu-Nu si ya'u, oh Mawu, pasingkata'e apa apan ṛinone ta'u olaanna.

DARALO 25:4 Referans Kwoze

DARALO 86:11

Tantiroa'e apulu-Nu si ya'u, oh Mawu, tadea'u i ya'u mappaamatta ringannu matuṛṛutta; olaawe i ya'u ma'imanna ringannu ahewallu naungnga.

DARALO 27:11

Pantingira'awe si ya'u apulu-Nu, oh Mawu, ehettawe i ya'u su lal᷊anna apan matul᷊idda, ana waugu see'u tumaniten manambo.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

DARALO 5:8

Arawe ana waugu darangngu-Nu apan wahewalla, i ya'u wotongnge maasutta sulal᷊ummu Wal᷊en-Nu. I ya'u massubba watukku saruannu Wal᷊en-Nu apan susi, wuṛṛu massubba Si'o ringannu atonna-tonna.

SASABANGNGA 33:13

Amungkangngu aroddi, atimanna mamasingkattu ṛiinnu, Mawu, tadea'u i ya'u wotongnge mangimbe Si'o wuṛṛu sidutu maal᷊uassa naung-Ngu. Naunge lai manungku walahanna indi buatte nipile-Nu maola'a pussaa-Nu.”

DARALO 119:27

Tul᷊ungaawe i ya'u massunna manga tita-Nu, al᷊aṛṛang-Ngu apan maatiangnga sidutu nanaungangku.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

DARALO 5:1

Su piaṛa'u mangangantari. Ringannu nanalanga wansi. Daralon Daud.

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.