DARALO 25:3 - WUKE SUSI WATTI'U AL᷊AL᷊USASSA

³ Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

DARALO 25:3 Referans Kwoze

LAL᷊ALLU 3:25

Mawu mapia su taumata uaantimma si Tou, wuṛṛu su taumata apan maddea'a si Tou.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

DARALO 62:5

I yamiu tumba'u pia pandumma mangema'i tou, wuassu aiananne apan matanggakka. I yamiu apulune mangngawusu; ringannu moṛongngu i yamiu mangngal᷊amatta, arawe sulal᷊ummu naungngi yamiu mammontoga.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

ROMA 8:25

Arawe amungkangngu i ite mangngantimma apa apan taambe niasiloanni ite, ne i ite ṛinone uaraṛṛado ringannu asasabare.

DARALO 37:34

Pangantimpe su Mawu wuṛṛu paatuṛṛutte parenta-Ne, ne i Tou mamatunna si'o iapatahuanna leta'a udde; i'o sarun maasilo taumata lal᷊eo ṛaddaanna.

DARALO 33:20

Ne i ite uaantimpe Mawu, ete i Tou matatul᷊unga wuṛṛu mananamba'a si ite.

DARALO 123:2

Naal᷊ihidda sangkatou allangnga apan uaantimma mawune, wuṛṛu sangkatou allangnga wawine su wo'i mawune, etearoddi i yami uaṛaddo Si'o, oh Mawu, Ruatan kami, ma'oman sara I'o umakkanni yami.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

DARALO 69:6

Oh Ruata, I'o masingkattu manga pasasal᷊a'u rosa'u tawe iawuni Si'o.

YEREMIA 20:11

Arawe I'o, oh Mawu, uasamba'a si ya'u; I'o lembon matohassa wuṛṛu ma'uatta. I mangitou mangngenggenna wuṛṛu mangngallangnga si ya'u sarun manawo wuṛṛu tawe maailore. I mangitou sarun masili sarangkal᷊o'enge, tate nariaddi anambon hol᷊agi mangitou. Hahelo mangitou udde sidutu sarun nanaunganna.

DARALO 35:26

Wala'e taumata apan naasilo asasusa'u mabbal᷊i ial᷊iwune wuṛṛu massili. Wala'e taumata apan mammungan batangane su saruangku lobbosanna wuṛṛu pansilianna.

DARALO 132:18

Araratuanne sarun sidutu su lal᷊umanna'a, arawe manga seenne sarun pansilianna.”

DARALO 71:13

Wala'ewe manga taumata apan mammangalo si ya'u, pansilianna wuṛṛu pateanna. Wala'ewe taumata apan maapulu manilaka si ya'u ial᷊iwune wuṛṛu papal᷊iwutannu asasusa.

DARALO 31:17

Antimanna I'o mandangngu allang-Ngu; sal᷊amatewe i ya'u ana waugu darangngu-Nu.

DARALO 62:1

Su piaṛṛa'u mangangantari. Tumuṛṛuttu: Yedutun. Daralon Daud.

DARALO 6:10

Mawu naddaringikka darorongku wuṛṛu nanengkamma aal᷊iomangku.

YOHANES 15:25

Arawe aroddite ṛinone, tadea'u matipusse apa apan uawoṛṛetta sulal᷊ummu Wukem Tita mangitou, eteudde: ‘I mangitou maddanting-Ku tawe pinangiananne.’

DARALO 119:78

Wala'e taumata mawunga masili ana waugu buatte nallobbossa si ya'u, arawe i ya'u sarun maṛṛingiddu manga parenta-Nu.

DARALO 109:3

I mangitou namangalo si ya'u ringannu manga wisara maarantinna, wuṛṛu namangalo si ya'u ringannu taweddu pinangiananne.

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

PANDARIADDI 49:13

I Zebulon sarun mamanua su winggin tahal᷊oangnga; manga apalla sarun mabbal᷊ango su appanne; naddatinggu Sidon passarannu wageangnge.

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

DARALO 22:6

I mangitou sussal᷊ande Si'o wuṛṛu niapaal᷊iu; i mangitou mangngantimma wuṛṛu tawe niapadio'a naungnge.

DARALO 31:18

Arie pabbala'a i ya'u maasomba asasili, oh Mawu, ana waugu i ya'u ma'ial᷊are Si'o. Wala'ewe taumata lal᷊eo pansilianna, wuṛṛu ringannu matammudda summossokka watukku runian taumata nate.