DARALO 25:14 - WUKE SUSI WATTI'U AL᷊AL᷊USASSA

¹⁴ Mawu uddewe hawen taumata apan mangngimanna, I Tou namasingkattu panduman-Ne si mangitou.

DARALO 25:14 Referans Kwoze

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

YOHANES 17:6

I Ya'u suete namasingkattu Iamangnga su manga taumata su runia indi apan suete nionggolu Iamangnga si Ya'u. I mangitou udde pussa'an Iamangnga, wuṛṛu Iamangnga suete nangonggolli mangitou si Ya'u. I mangitou suete tinumuṛṛutta wisaran Iamangnga.

TAHIUL᷊E 4:13

Poiaroddi i Tou namasingkatta si yamiu sarangkanambone apan sarun olaanni yamiu su ipanipussa pa'aire-Ne apan niola'a ringanni yamiu. Mapul᷊o Tita apan buatte niwoṛṛettu Mawu su daruan kul᷊appa watu udde ṛinone daringiṛṛanni yamiu.

YOHANES 14:17

I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

AMSAL 3:32

Waugu, Mawu maddantinnu taumata apan ma'ola'a al᷊al᷊eo, arawe i Tou uaaukku taumata apan biakke matul᷊idda.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

PANDARIADDI 17:13

Suapan taumata ṛinone sunatanna, wuṛṛu udde sarun maola'a tatiala su wadangnga apan mapaal᷊iatta'a manungku paaire-U ringannu udde tawe pangudusanne.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.