DARALO 25:10 - WUKE SUSI WATTI'U AL᷊AL᷊USASSA

¹⁰ Taumata apan matuṛṛutta paaire-Ne wuṛṛu tita-Ne, papadul᷊ianan-Ne ringannu darangngu wuṛṛu tatuṛṛutta.

DARALO 25:10 Referans Kwoze

YAKOBUS 5:11

I mangitou nisaggo su lal᷊umanna'a ana waugu i mangitou masabare. I yamiu suete naaringikka su ola'u asasabaren Ayub, wuṛṛu i yamiu masingkata lai ereapa panginsueanne Mawu nangal᷊amatta si tou. Ana waugu Mawu lembon marangngu wuṛṛu naung-Nge mapia.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

DARALO 40:11

Watti'u asasal᷊amatta udde tawe ta'u sinahipunna sulal᷊ummu naungnga, aontolla wuṛṛu papadul᷊i-Nu sidutu ta'u iapasingkata. Su saruannu ammul᷊annu al᷊aṛang-Ngu i ya'u tawe mal᷊annaba, arawe i ya'u mammasingkatu darangngu wuṛṛu papadul᷊i-Nu.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

DARALO 89:14

Aroddi ahewalle taṛṛino-Nu, wuṛṛu aroddi ahewalle atatohan-Nu!

DARALO 85:10

Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

DARALO 57:3

I ya'u sussal᷊annde su Mawu Apan Atanggaṛṛanne, su Ruata apan mammanara ana waugu i ya'u.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

DARALO 33:4

Anambon wisaran Mawu sidutu apangimananna; I Tou satia su al᷊awo'u inolaan-Ne.

2 SAMUEL 15:20

Taambe nal᷊annu i'o uatna'a isindi, tawe mariaddi i'o ta'u iapatantalongnga lai umamatta ringangku? I ya'u sassane wagga watukkuapa i ya'u inai umamatta. Pabbelengke wuṛṛu apira'e lai manga hawenu sambalahanna, doronganna Mawu mandangngu si'o wuṛṛu uaṛundinganna si'o.”

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 5:24

Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

DARALO 138:7

Sutempo i ya'u niaṛṛiaannu asasusa, I'o mangke napawia'u. I'o nando'appa see'u apan tantal᷊anna mammangalo wuṛṛu nanal᷊amatta si Ya'u ringannu taṛṛino-Nu.