DARALO 24:4 - WUKE SUSI WATTI'U AL᷊AL᷊USASSA

⁴ Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

DARALO 24:4 Referans Kwoze

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

DARALO 73:1

Daralon Asaf. Mapiawe atonna Ruata su al᷊aṛṛanang-Nge, su taumata apan naungnge waresi.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

DARALO 26:6

Lima'u niukkasa tatialan tawe nassal᷊a, wuṛṛu u'amatta mammal᷊iwutta mezba-Nu, oh Mawu,

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

DARALO 18:20

I Tou nalliu'u wuassu asasilaka wuṛṛu nanal᷊amatta si ya'u ana waugu i Tou mal᷊uassa si ya'u.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

DARALO 15:4

apan mangngadio'a taumata apan nito'en Duata, arawe mangngadata taumata apan matta'uttu Ruata; apan mannipussa paaire, salaiwe i tou narugi

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEHEZKIEL 18:6

I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.

AMSAL 20:9

Apa pia taumata apan wotongnge mabbisara, “Naungku waresi, i ya'u nal᷊iute wuassu rosa?”

DARALO 25:1

Daralon Daud. Tumba'u Si'o, oh Mawu, i ya'u umal᷊iomanna,

AYUB 9:30

Tawe sabonna apan wotongnge maraddassa rosa'u!

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

YEHEZKIEL 18:15

Ana'a udde maddiri massubba paal᷊uannu taumatan Israel, ara'e umanna sasamba apan nionggolla su manga tampa pasasubbanna manga monganna. I tou taambe namono'a awingngu taumata waine,

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.