DARALO 23:1 - WUKE SUSI WATTI'U AL᷊AL᷊USASSA

¹ Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

DARALO 23:1 Referans Kwoze

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

DARALO 78:52

Ana see i Tou namiaṛṛa'u al᷊aṛṛanang-Nge naal᷊ihidda ammul᷊annu domba, wuṛṛu nangehetta si mangitou niumamattu wadda'a.

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

DARALO 79:13

Ne i yami al᷊aṛṛanang-Ngu, domba papadul᷊ianan-Nu, sarun maadiangkamanna Si'o saran mal᷊annu-l᷊annu, wuṛṛu maddalo Si'o sara maṛṛawa mappulunna.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

DARALO 34:11

Manga singa mal᷊unussa ana waugu anna matul᷊ungnga; arawe taumata apan massubba Mawu tawe apausanne.

YEHEZKIEL 34:14

Atonna, i Ya'u sarun manaddia si mangitou manga wadda'u nannal᷊o apan masuwukka su panenteanna wuṛṛu su manga wawal᷊annu leta'u Israel. Poiaroddi i mangitou sarun mangillol᷊o wuṛṛu umanna nannal᷊o ringannu amanna.