DARALO 22:7 - WUKE SUSI WATTI'U AL᷊AL᷊USASSA

⁷ Arawe i ya'u indi lal᷊uati, wal᷊ine taumata, aal᷊uandahanna wuṛṛu lallobosannu awadaalla.

DARALO 22:7 Referans Kwoze

MARKUS 15:29

Manga taumata apan sussabbi isudde mangke uapapa'ilingnga wuṛṛu manggal᷊usa'a Mawu Yesus. I mangitou nabbisara, “Ei, I'o apan manggohakku Wal᷊en Ruata wuṛṛu mapaarisikka sulal᷊ummu tallu allo.

DARALO 109:25

Manga taumata apan naasilo si ya'u mallobbossa si ya'u lapiddu uapapa'ilingu pua.

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

MARKUS 15:20

Napawe suete nannalangnga Mawu Yesus, i mangitou nalluatte jubah ungu udde see nilluṛṛeanten laung-Nge sassane. Wua'udde i Tou niapidda su liudde ana waugu iarussa.

MATIUS 27:29

I mangitou na'ola'a sambau araposa mararatu wuassu manga rannang kalu ṛoaanna wuṛṛu niluṛṛe su pua Mawu Yesus. Wua'udde i mangitou nangagillu ta'inna su lima aikkatan-Ne, see inumal᷊intuda su saruan-Ne wuṛṛu mangngal᷊uandaga si Tou. “Tabea ratun taumatan Yahudi!” unni mangitou.

DARALO 44:14

I'o na'ola'a si yami aal᷊uandahannu manga al᷊indonganna i mangitou mallobbosa wuṛṛu lullaggen kami.

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

MATIUS 9:24

i Tou nabbisara si mangitou, “Sabangke i yamiu sarangkanambone! Ana'a indi tawe nate; i tou tumba'u mattiilla.” I mangitou sarangkanambone nilumage Mawu Yesus.

YESAYA 57:4

Isaite apan ilaggen kamiu? Isaite apan aal᷊uandahanni yamiu? Wal᷊inewe i yamiu pallaṛṛiten taṛṛa awusu wuṛṛu mal᷊awangnga?

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

DARALO 31:18

Arie pabbala'a i ya'u maasomba asasili, oh Mawu, ana waugu i ya'u ma'ial᷊are Si'o. Wala'ewe taumata lal᷊eo pansilianna, wuṛṛu ringannu matammudda summossokka watukku runian taumata nate.

AYUB 16:10

Manga taumata mangngal᷊uandaga si ya'u ringannu moṛṛongnga uanganga mal᷊oangnga; i ya'u niṛṛimpulunanna wuṛṛu wambala'u nipero.

AYUB 16:4

Unnuwisara i yamiu indi i ya'u, wuṛṛu i ya'u i yamiu, i ya'u lai maawisara uasul᷊ungngu ereudde. I yamiu ta'u wambinannu manga wisara; pua'u sarun ta'u iapapa'ilingku.

AYUB 12:4

I ya'u ilallagen hawe wuṛṛu ruanganna, sumbal᷊i i ya'u indi naṛṛino wuṛṛu tawe sangkulle. Dorone Ruata sinumimbakka aal᷊iomangku, suapawe i ya'u sumal᷊ande maitul᷊ungnga.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.