DARALO 22:23 - WUKE SUSI WATTI'U AL᷊AL᷊USASSA

²³ Inolaan-Nu sarun ta'u iwatti'a su manga tuṛṛangku; sulal᷊ummu pangalon al᷊aṛṛang-Ngu i ya'u sidutu maddalo Si'o.

DARALO 22:23 Referans Kwoze

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

DARALO 115:11

Ei anambon taumata ma'imanna, pangantimpe Mawu, ete i Tou apan mangontolla wuṛṛu manillumma si yamiu.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

LUKAS 2:20

Manga mallal᷊u'adda domba nabelengke watukku wadda'u nannal᷊o lapiddu maddalo wuṛṛu mammantuga Ruata, ana waugu sarangkanambone apan suete inaringiṛṛanna wuṛṛu inasiloanni mangitou naṛṛino ere suete niapaasingkattu mala'ekatta si mangitou.

YESAYA 25:3

I'o sarun daloannu manga walahanna apan matohassa, wuṛṛu ia'ata'utta su manga soan walahanna apan maṛṛagissa.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 115:13

I Tou sarun mangal᷊amatta manga taumata apan ma'imanna, mawae ete maradio'a aroddi lai wahewalla.

DARALO 106:5

Antimanna i ya'u maasilo lal᷊umanna'u manga taumata apan nipile-Nu, wuṛṛu lumuassa suadio'a ringannu al᷊aṛṛanang-Ngu. Antimanna i ya'u lumala'a wuṛṛu lumuassa suadio'a ringannu manga taumata apan nabbal᷊i pussa'a-Nu.

DARALO 86:12

I ya'u maadiangkamanna Si'o ringannu ahewallu naungku, oh Mawu Ruata'u; i ya'u maddalote awawantu-Gu saran mal᷊annu-l᷊annu.

DARALO 33:8

Wala'e ahewallu runia mata'uttu Mawu wuṛṛu tumana'u runia mangaddata si Tou.

DARALO 22:30

Anambon taumata papunna sarun massubba su saruan-Ne, anambon taumata apan mattate sarun umal᷊intudda massubba si Tou.

DARALO 26:12

Ne i ya'u nal᷊iute wuassu al᷊awo'u asasilaka, i ya'u sarun maddalo Mawu sulal᷊ummu ammul᷊annu al᷊aṛṛanang-Nge.

DARALO 35:18

Ne i ya'u sarun maadiangkamanna Si'o su tangngan al᷊aṛanang-Ngu, wuṛṛu maddalo aran-Nu sulal᷊ummu paammul᷊anni mangitou.

DARALO 109:30

I ya'u maddalote Mawu ringannu tingikka ma'ikkata, mamasingkati Tou su pattangngannu ammul᷊annu taumata.

DARALO 111:1

Paddalote Mawu! Ringannu ahewallu naungnga i ya'u maadiangkamanna su Mawu su pattangngannu ammul᷊annu al᷊aṛṛanang-Nge.