DARALO 22:16 - WUKE SUSI WATTI'U AL᷊AL᷊USASSA

¹⁶ Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

DARALO 22:16 Referans Kwoze

YOHANES 19:37

Sulal᷊ummu Wuke Susi uawoṛṛetta lai: “I mangitou sarun ma'ellega si Tou apan suete niusu'i mangitou.”

MATIUS 27:35

Wua'udde i mangitou nangarussaten Tou, wuṛṛu nattahia laung-Nge ringannu niundi.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

YOHANES 20:25

Ne manga mallal᷊aṛṛenggennu Mawu Yesus apan baine nabbisara si Tomas, “I yami naasilote Mawu!” Arawe i Tomas sinumimbakka, “Amungkangngu i ya'u taambe naasilo lanna'u lessam pa'u su lima-Ne, udde wuṛṛu taambe napangadon tal᷊imado'u su manga lanna'u lessam pa'u udde wuṛṛu taambe napangadon lima'u susandiṛṛan-Ne, i ya'u tawe mangngimanna saran paassa.”

YOHANES 19:23

Napawe manga tantara udde nangarussaten Mawu Yesus, i mangitou nanganute laung-Nge. Laubba udde nitahia appatta: sambau-sambau naasomba sambageanganna. I mangitou lai nanganu jubah-Ne. Jubah udde tawe tatabingnge – niradu'a wua dosone sara wowane.

MARKUS 15:24

Wua'udde i mangitou nangarussan Tou, wuṛṛu nattahia laung-Nge ringannu ni'undi tadea'u maatantunnu wageangngu sangkatou-sangkatou.

YOHANES 19:34

Arawe sandiṛṛannu Mawu Yesus niusu'u sangkatou tantara ringannu sambeangnga; wuṛṛu tawe nal᷊annu sinumabangke raṛṛa wuṛṛu ua'e.

LUKAS 23:33

Napawe na'omate su tampa apan isassago “Tanggilal᷊a”, i mangitou nangarussate Mawu Yesus wuṛṛu ruang katou taumata lal᷊eo udde – sangkatou su samba'a uananna wuṛṛu sangkatou lai su samba'a aiṛṛi Mawu Yesus.

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

LUKAS 23:23

Arawe i mangitou sidutu u'ui ma'ikka-ikkatta manungku Mawu Yesus ṛinone iarussa. Ne panginsueanne darorongngi mangitou niraringiṛṛanna.

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

DARALO 22:20

Arawe I'o, ariewe pangindau, oh Mawu, paal᷊ihakke rumanta pangontolla si ya'u, ana waugu ete I'o atatoha'u.

DARALO 22:1

Su piaṛṛa'u mangangantari. Tumuṛṛuttu antari: Rusa sutempo marua allo. Daralon Daud.

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

DARALO 59:6

Darisikke, Ruata Apan Atanggaṛṛanne, ontol᷊ete i ya'u. Oh Ruatan Israel, pa'ellege sassane. Darisikke wuṛṛu ṛuumana'e manga walahanna, arie umakkannu taumata lal᷊eo apan sidutu mandal᷊eo.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

DARALO 86:14

Oh Ruata, taumata mawunga naddisikka mamangalo si ya'u, sangkammul᷊anna taumata maṛṛagissa mamate si ya'u; i mangitou tawe mangantagu I'o Mawu.

MATIUS 26:57

Manga taumata apan nanametta Mawu Yesus nangapidde Mawu Yesus su wal᷊en Imam Bahewa Kayafas. Poiaroddi manga hurun agama wuṛṛu piaṛṛa'u Yahudi uaammulle.

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

DARALO 59:14

Patete i mangitou sulal᷊ummu asasa'u-Nu, oh Ruata, patete i mangitou ma'oman sara masue. Ne suapan taumata sarun maasingkatta manungku Ruata uaparenta Israel, wuṛṛu pamamarenta-Ne lai sara su ahewalu runia.

DARALO 38:11

Pappuso'u sussinggawanga, ikka'u nawul᷊i, mata'u nabbal᷊ite mal᷊abbuka.