DARALO 21:4 - WUKE SUSI WATTI'U AL᷊AL᷊USASSA

⁴ I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

DARALO 21:4 Referans Kwoze

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

DARALO 91:16

I Tou sarun Ta'u onggol᷊annu uukka mal᷊o'engnga, wuṛṛu Ta'u iapasal᷊amatta.”

DARALO 119:77

Akkanaawe i ya'u, tadea'u i ya'u sidutu wiakka, ana waugu tita-Nu maal᷊uassa naungku.

DARALO 133:3

Ara'e naal᷊ihidda angngukku Wowon Hermon, apan nangelekka watukku Wuiddu Sion. Ete poiaroddi Mawu nanossokku al᷊aman-Ne, ipabbiakka saran mal᷊annu-l᷊annu.

DARALO 119:175

Wala'e i ya'u mabbiakka, tadea'u i ya'u maddalo Si'o, antimanna manga raṛawen-Nu mantul᷊ungku.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

DARALO 89:29

I Tou sarun Ta'u rangnguanna saran mal᷊annu-l᷊annu, paaire-U si tou sidutu matohassa.

DARALO 13:3

Ma'oman sara tingera i ya'u ṛinone uapendamma asasusa, wuṛṛu naungku massusa su al᷊o'engngu allo? Ma'oman sara tingera i ya'u tataṛṛinoannu seetta?

1 MARARATU 2:33

Ṛuumanna ana waugu apapaten darua tembonannu tantara udde sarun pasannananni Yoab wuṛṛu papapulunne saran mal᷊annu-l᷊annu. Arawe anambon papapulunnu iamangku apan naola'a ratu, sidutu sarun aal᷊amatannu Mawu – i mangitou apan naauntungnga.”

1 MARARATU 2:45

arawe i ya'u sarun al᷊amatan-Ne wuṛṛu araratuannu iamangku sarun tohasan-Ne saran mal᷊annu-l᷊annu.”

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’