DARALO 21:10 - WUKE SUSI WATTI'U AL᷊AL᷊USASSA

¹⁰ I Tou nirumanta naal᷊ihidda putungnga lukkenggama ipamate si mangitou. I mangitou sarun pateannu asasa'un Mawu, wuṛṛu ringannu putungnga apan maa'epodda.

DARALO 21:10 Referans Kwoze

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

DARALO 109:13

Wala'e anambon papapulunne ṛaddaanna, wuṛṛu aranne timbul᷊ianannu pal᷊awanna manansunna.

AYUB 20:28

Al᷊awo'u paa'alane sarun masue, ana waugu nangillembote asasa'un Duata.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

YESAYA 14:20

I'o buatte naminasa wanuanu wuṛṛu namate pabbawalagu sassane. Ana waugu udde i'o sarun tawe ilabbingnga ere manga ratu waine. Tawe saran sangkatou wuassu walahannu apan dal᷊eo udde sarun iapaasal᷊amatta.

2 SAMUEL 23:7

tawe saran sangkatou apan mappulu mangindingnga si tou amungkangu tawe a'oenne wuassu alu ara'e atta'a. Manga taumata udde nasue niepoddu putungnga.