DARALO 2:2 - WUKE SUSI WATTI'U AL᷊AL᷊USASSA

² Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

DARALO 2:2 Referans Kwoze

MATIUS 26:59

Manga imam tembonanne wuṛṛu anambo Mallaṛṛuungngu Agama mangke mammata'a maasomba tatiala awusu apan botongnge maṛṛawessa manungku Mawu Yesus iṛṛuumanna ma'oman sara mate.

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

DARALO 45:7

Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

YOHANES 1:41

Mal᷊iha-l᷊ihakka i Andreas naddea'a si Simon, tuṛṛangnge, wuṛṛu nabbisara si tou, “Yami suete nassomba Mesias!” (Mesias nassul᷊ungngi Kristus, eteudde: Ratum Punnu Sal᷊amatta.)

DARALO 74:23

Arie paabul᷊iane aintul᷊in manga seen-Nu, pagahahion manga seen-Nu apan mallannu ma'ikkatta!

DARALO 48:4

Ruata uatana'a sulal᷊ummu wal᷊en araratuanna, ewe'e ete i Tou lai sassane mallal᷊u'adde Mawu.

DARALO 2:10

Nariaddi panutukke, ei mararatu, paanaungete, ei manga tembonannu runia!

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

SASABANGNGA 16:7

Tiṛṛabbi marua allo i yamiu sarun maasilo semakku darantan Mawu. Mawu ma'aringikka si yamiu mangke massa'u si Tou; ore, su Mawu, ana waugu yami indi tumba'u tuttuṛṛutta apa apan buatte nirolokku Mawu.

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

YOHANES 15:23

Taumata apan maddanting-Ku, maddantinnu Iamang-Ku.

LUKAS 13:31

Su tempo udde lai, pia manga pira taumatan Farisi nirumanta ringannu Mawu Yesus wuṛṛu nabbisara, “Arie paatana'a isindi! Roote su tampa waine, ana waugu Herodes pia pandumma mamate Si'o.”

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

DARALO 110:5

Mawu udde su samba'a uanannu, napawe i Tou masa'u, manga ratu iwaddo-Ne.

WATTI'U MANGA RASUL 9:4

I tou nema'a su leta'a see naaringikka sambau tingikka mabbisara si tou, “Saulus, Saulus! Anio i'o mandal᷊eo si Ya'u?”

MATIUS 26:3

Su tempo udde manga imam tembonanne wuṛṛu piaṛṛa'u Yahudi maammulla su wal᷊en araratuannu Imam Bahewa Kayafas.

DARALO 48:5

Pa'ellege manga ratu uaammula; i mangitou nirumanta ana waugu mamangalo.

DARALO 83:6

Manga walahanna buatte naammulla, wuṛṛu nabbaidda lumawangnga Si'o: