DARALO 2:12 - WUKE SUSI WATTI'U AL᷊AL᷊USASSA

¹² al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 2:12 Referans Kwoze

DARALO 40:4

I Tou nangaṛṛa'a si ya'u mangantarin antari wakku, antari daralo su Ruatan kite. Manambo taumata naasilo wuṛṛu nabbal᷊i nata'utta, ana see nangimante Mawu.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

DARALO 84:12

Ana waugu Mawu Ruata mallal᷊u'addi ite wuṛṛu ratu apan mawantuga, apan nangonggolla si ite darangngu wuṛṛu aaddatta. I Tou manol᷊a'u sarangkanambone apan mapia su saruannu taumata apan wiakke tawe angngone.

DARALO 34:8

Mala'ekatu Mawu uariaga taumata apan mangngimanna, wuṛṛu namallossi mangitou wuassu asasilaka.

YEREMIA 17:7

Ara'e taumata apan uaantimma si Ya'u sidutu Ta'u al᷊amatanna.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

AMSAL 16:20

Panutukke apa apan iaaṛṛa'a si'o, ne i'o sarun maasomba apan apianne. Pangimante Mawu, ne i'o sarun su lal᷊umanna'a.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

DARALO 2:5

Ana see Mawu namakkamma si mangitou ringannu maṛṛagissa wuṛṛu nipaṛṛoroannu asasa'u-Ne.

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

ROMA 10:11

Sulal᷊ummu Wuke Susi uawoṛṛetta, “Taumata apan mangngimanna tawe iapaasusa.”

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

PANDARIADDI 41:40

I'o sarun ta'u itenega maola'a gubernure, wuṛṛu tumana'u sarangkanambone sarun tumuṛṛutta parentanu. Tumba'u i ya'u apan lembon uataṛṛino wuassi'o.”

DARALO 31:20

Aroddi anambone apapia-Nu apan nisaddia-Nu su taumata apan mangngimanna! Suapan taumata naasilo apapia apan niolang-Ngu, si mangitou apan uatillumma Si'o.

DARALO 34:9

Pendamete sassane aroddi apiane Mawu, lal᷊umanna'a taumata apan uasirungnga si Tou.

DARALO 109:20

Mawu, paarua'a ṛuumanna udde su mangngangasila si ya'u, su taumata apan mabbisaran al᷊al᷊eo si ya'u.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.