DARALO 19:8 - WUKE SUSI WATTI'U AL᷊AL᷊USASSA

⁸ Titan Mawu udde nasuungnga, maal᷊uassa ṛimuudda. Parentan Mawu udde wotongnge apangimananna, mangonggollu apande su taumata lal᷊ebone.

DARALO 19:8 Referans Kwoze

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 119:105

Ṛengetan-Nu uddewe sasol᷊oanna su lempangku, semakka ipangngututta amatangku.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

DARALO 119:92

Unnuwisara tita-Nu wal᷊ine punnu lal᷊ala'u, i ya'u natete sulal᷊ummu asasusa'u.

DARALO 119:80

Antimanna naungku tawe sumewadda wuassu tita-Nu, tadea'u i ya'u tawe masili.

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

ROMA 7:22

Naungku maapulun titan Duata,

GALATIA 2:19

Arawe i ya'u natete su saruannu titan agama – nipaten tita udde sassane – tadea'u i ya'u wotongnge mabbiakka hunane su Ruata. I ya'u buatte niarussa su sambau ringanni Kristus.

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

DARALO 119:16

Parenta-Nu maal᷊uassa si ya'u; al᷊aṛṛang-Ngu tawe abbul᷊ianangku.

DARALO 119:14

I ya'u lullala'a tuttuṛutta manga parenta-Nu, ere lai uatahuanna al᷊awo'u hatin darotongnga.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

DARALO 119:171

I ya'u maapulu sidutu maddalo Si'o, ana waugu I'o nangaṛa'a si ya'u raṛṛawen-Nu.

DARALO 119:143

I ya'u niaṛṛiaannu sansara wuṛṛu asasusa, arawe raṛṛawen-Nu maal᷊uassa naungku.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

DARALO 119:121

I ya'u buatte napaamattu atatul᷊idda wuṛṛu apapia, ariewe i ya'u itantilla su liman seetta.

DARALO 119:40

I ya'u onggol᷊ewen wiakka wakku, ana waugu I'o matul᷊idda, i ya'u pia apulu tumuṛutta manga parenta-Nu.

DARALO 119:12

I ya'u maddalo Si'o, oh Mawu, i ya'u aṛṛa'ewen parenta-Nu.

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

DARALO 13:3

Ma'oman sara tingera i ya'u ṛinone uapendamma asasusa, wuṛṛu naungku massusa su al᷊o'engngu allo? Ma'oman sara tingera i ya'u tataṛṛinoannu seetta?

SASABANGNGA 18:16

Amungkangu i mangitou matatiakka, i mangitou sumaruanna si ya'u tadea'u makkawessu hatton mangitou, wuṛṛu ta'u iapasingkatta si mangitou manga parenta wuṛṛu manga titan Duata.”

PANDARIADDI 26:5

I Ya'u sarun mangal᷊amatta si yamiu, ana waugu i Abraham buatte naddaringikka si Ya'u wuṛṛu uapadul᷊i al᷊awo'u tita wuṛṛu parenta-U.”

GALATIA 3:21

Apa udde atappasanne manungku titan agama uapapaṛṛalan paaire Ruata? Tawe! Ana waugu amungkangngu titan agama nionggolla maola'a lal᷊annu wiakku taumata, ne taumata wotongnge masasangkapia Ruata ringannu lal᷊anne tumuṛṛutta titan agama.

YESAYA 64:5

I'o mannal᷊oho taumata apan matul᷊idda, wuṛṛu ingana'a apan mabbiakka tuttuṛṛuta apulu-Nu. I'o massa'u si yami, arawe i yami sidutu ma'ola'a rosa atonna ro'en dorone i yami nassal᷊a.

DARALO 119:54

Su al᷊o'engngu pabbiaṛangku su runia, tita-Nu ta'u niola'a manga aantari daralo.

DARALO 119:24

Manga parenta-Nu nabbal᷊i mananantiro'u apan maal᷊uassa naungku.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

NEHEMIA 8:12

Ne anambon tumanangnge napul᷊ete inai umanna wuṛṛu ma'inumma see mattahia anna su manga taumata waine. I mangitou lullala'a ana waugu nasunnate atappasannu pabbasanna apan niaringiṛṛanna mangitou udde.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

2 MARARATU 17:37

Paatuṛṛutte sidutu su manga tita wuṛṛu parenta apan buatte Ta'u niwoṛetta si yamiu. Imbaṛṛangnga mattaṛṛamawu mawu waine,

DARALO 93:5

Mawu, tita-Nu tawe panguddusanne, Wal᷊en-Nu susi su al᷊o'engngu allo.

DARALO 111:7

Mawu matul᷊idda wuṛṛu mapia sulal᷊ummu al᷊awo'u manara-Ne, al᷊awo'u parenta-Ne wotongnge ipangasakka.