DARALO 19:11 - WUKE SUSI WATTI'U AL᷊AL᷊USASSA

¹¹ Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

DARALO 19:11 Referans Kwoze

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

AMSAL 29:18

Walahanna apan tawe naasomba aehettu Mawu mabbal᷊i walahanna apan napenen pabbawawul᷊o. Lal᷊umanna'a su taumata apan matuṛṛutta titan Mawu.

MATIUS 6:4

Wala'e pallal᷊agunu udde tawe asingkatannu taumata, tumba'u Iamangngu su surga. I tou ma'asilo pallal᷊agunu apan uawuni udde wuṛṛu sarun mangonggolu lal᷊antakke si yamiu.”

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

1 KORINTUS 4:14

I ya'u namoṛṛettu indi si yamiu, wal᷊inewe pandumanne ipammansili si yamiu, ewe'e ipannantiro si yamiu ere al᷊aṛṛana'u sassane.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

MATIUS 6:18

tadea'u tawedu maasingkatta manungku i yamiu mappuasa, ewe'e tumba'u Iamangngi yamiu apan tawe asiloanna udde, masingkatta. I Tou ma'asilo pallal᷊agunu apan uawuni udde, wuṛṛu sarun mangonggolu lal᷊antakke si'o.”

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

2 TAWARIKH 19:10

Amungkangu pia manga hawenu wuassu soa waine nangapiddu sambau hattom pamamate si'o, nilumawangnga tita ara'e nilumawangnga atoranna, ṛinone i yamiu mangonggolu tatantiro si mangitou. Ringannu aroddi i mangitou tawe massal᷊a su saruannu Mawu, wuṛṛu Mawu tawe masa'u si'o aroddi lai si mangitou. Amata'e parenta indi, ne i yamiu tawe massal᷊a.

MATIUS 6:6

Arawe amungkangngu i yamiu umal᷊iomanna, suttate su wabbo'a wuṛṛu ṛuura'a ngara, see al᷊iomante su Ruata Iamangnga apan tawe iasilo udde. Ne Iamangngu apan ma'asilo pallal᷊agunu apan uawuni udde, sarun mangonggolu lal᷊antakke si yamiu.

DARALO 119:72

Si ya'u tita-Nu maaregganne wuassu anambon wul᷊awanna wuṛṛu sal᷊a'a su runia.

DARALO 119:103

Atemangngawe eteapa wisara-Nu, pendamanna mattemanganna wuassu pul᷊a!

AMSAL 24:14

aroddi lai apande mapia su ṛimuuddu. Amungkangngu i'o pande, masemakke wiakku sutempo addantane.

YEHEZKIEL 3:3

Wisara-Ne, “Ei taumata mattate, ante! Loṛṛoite tiannu ringannu wuke lalul᷊unanna indi.” Ana see wuke udde ta'u nianna wuṛṛu pendamanna matemangnga naal᷊ihidda pul᷊a.