DARALO 18:7 - WUKE SUSI WATTI'U AL᷊AL᷊USASSA

⁷ Sulal᷊ummu asasusa'u i ya'u ma'ial᷊are Si'o Mawu, i ya'u uui Ruata'u maddorongnga aontola. Wuassu Wal᷊en-Ne i Tou naddaringikka tingi'u wuṛṛu uararingikka darorongku.

DARALO 18:7 Referans Kwoze

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

MATIUS 28:2

Inaṛṛombanganne pia linukka apan bahewalla. Sangkatou mala'ekattu Mawu sinumossokka wuassu surga see namilingngu watu lal᷊indumme udde, wuṛṛu inuma'ianna su wowone.

YEREMIA 4:24

I ya'u ma'ellega wowone wuṛṛu manga wuidda apan matanggakka tumanite ma'ikkatta umio'a.

MAL᷊AṚṚUUNGNGA 5:4

Su tempo I'o manantangken Seir, oh Mawu, wuṛṛu I'o nanantangngu wageangngu leta'u Edom, runia niumio'a, manga sasal᷊ossoga su langitta lai nawu'a, wuṛṛu manga winabbawa nanossokku ua'ene.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

ZAKARIA 14:4

Su allo udde i tou sarun dumarisikka su Wuiddu Zaitun, su samba'an ra'in Yerusalem. Ne Wuiddu Zaitun sarun pesangannu wawal᷊anne apan mal᷊alangnga, matanattakka wuassu ra'i maddatingngu waṛṛatta. Sambageanganna wuassu wuidda udde sarun umal᷊ore watukku sawannakka, wuṛṛu sambageanganna lai watukku timukka.

HABAKUK 3:10

Naasilo Si'o, manga wowone niumio'a wuassu langitta sinumossokka uranna ere nilal᷊inna. Ua'e sulal᷊ummu lete'a maddallu'a tingikke, luangnge wahahewalla wuṛṛu mabbasse.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

DARALO 46:2

Ruata udde pattillumangku wuṛṛu atatohassi ite; I tou sidutu uasadia wuṛṛu maatul᷊ungnga sulal᷊ummu asasusa.

DARALO 34:16

Mawu ma'ellega taumata apan ma'imanna, i Tou maddaringikka napawe i mangitou mangintul᷊i maiontolla.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

DARALO 39:13

Daringiṛṛewe aal᷊iomangku oh Mawu, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.

DARALO 40:2

Ringannu sabare i ya'u uaṛṛaddo sasumbalan Mawu; ana see i Tou na'ellega si ya'u wuṛṛu naddaringikka sasal᷊ande'u.