DARALO 18:41 - WUKE SUSI WATTI'U AL᷊AL᷊USASSA

⁴¹ I'o na'ola'a see'u tinumal᷊anga wuassu si ya'u; manga taumata apan maddantina ta'u nipate.

DARALO 18:41 Referans Kwoze

AMSAL 1:28

Sutempo udde i yamiu sarun mamaggo si ya'u, arawe i ya'u tawe sumimbakka. I yamiu sarun maddea'a si ya'u suapan tampa arawe tawe massomba'u.

AYUB 27:9

Apa Ruata sarun maddaringikka lal᷊uaine napawe asasusa maṛṛia'a si tou?

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

YOSUA 10:26

Ana see i Yosua namate manga ratu udde wuṛṛu nangele mangitou su lima pati'anna. Winal᷊unanni mangitou niwala isudde naddatingngu wawallo.

DARALO 118:10

Manambo seetta uapal᷊iwutta si ya'u; ringannu taṛṛinon Mawu, i mangitou ta'u niawaddo.

DARALO 118:11

I mangitou namangalo si ya'u wuassu al᷊awo'u pappi'uanne; ringannu taṛṛinon Mawu, i mangitou ta'u niawaddo.