DARALO 18:35 - WUKE SUSI WATTI'U AL᷊AL᷊USASSA

³⁵ I Tou nangaṛṛa'a si ya'u mapapangalo, na'oman sara i ya'u wotonge mangannata al᷊ati'anna apan atohasanne.

DARALO 18:35 Referans Kwoze

2 SAMUEL 22:36

Mawu, I'o uasirungnga wuṛṛu nanal᷊amatta si ya'u, wuṛṛu uatumpilla si ya'u ringannu taṛṛino-Nu wuṛṛu nabbal᷊i apianne ana waugu inolaan-Nu.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

DARALO 17:7

Pal᷊iatta'awe darangngu-Nu apan maatiangnga ana waugu I'o nanal᷊amatta taumata apan uasirungnga Si'o, su sandiṛṛan-Nu i mangitou mal᷊angnganna wuassu pangalon seetta.

YESAYA 22:3

Anambon tembonannu tantaranu tinumal᷊angngu watanganne wuṛṛu niatawanna tantal᷊anna i mangitou taambe niapiti'u anaanna. Anambon taumatan kamiu apan matohassa niatawanna lai salaiwe i tou tunumal᷊angke mara'u.

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

DARALO 144:1

Wuassi Daud. Paddalote Mawu, patatillumangku! I Tou nanantiro si ya'u masaseetta, wuṛṛu nangaṛṛa'a si ya'u mapapangalo.