DARALO 18:27 - WUKE SUSI WATTI'U AL᷊AL᷊USASSA

²⁷ Su saruannu taumata apan susi I'o napal᷊iatta'u watangan-Nu susi, arawe taumata lal᷊eo paisaseetan-Nu.

DARALO 18:27 Referans Kwoze

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.

2 SAMUEL 22:28

Taumata apan naungnge mawawo niapasal᷊aman-Nu; arawe taumata mawunga niṛṛuuman-Nu.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

DARALO 9:18

Papate eteudde panginsueannu manga taumata lal᷊eo, manga walahanna apan tawe maddaringikka Ruata.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

AMSAL 30:12

Pia taumata apan massunna watanganne na'ukkassa wutte'e i tou marosa atonna.

DARALO 40:17

Antimanna anambon taumata apan massubba Si'o lumuassa wuṛṛu lumala'a, wuṛṛu sarangkanambone apan mandangngu asasal᷊amatta wuassu Mawu sidutu mabbisara, “Atonna mawantuga Mawu!”

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

DARALO 17:13

Pabbuatte, oh Mawu, ro'apete see'u wuṛṛu waddo'e i mangitou. Sal᷊amatewe i ya'u ringannu hal᷊ele-Nu su saruannu pangalon taumata lal᷊eo.

DARALO 17:10

i mangitou wagga umakkanna wuṛṛu mabbisara ringannu mawunga.

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.