DARALO 18:21 - WUKE SUSI WATTI'U AL᷊AL᷊USASSA

²¹ Mawu nabbal᷊issa inolaangku apan naṛino; I Tou nangal᷊amatta si ya'u ana waugu i ya'u tawe sal᷊ane.

DARALO 18:21 Referans Kwoze

DARALO 119:102

I ya'u tawe mangadio'a tita-Nu, ana waugu ete apan nanantiro si ya'u.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

DARALO 17:4

I ya'u mammanara sarangkanambone apan itattita-Nu wuṛṛu tawe umamattu lal᷊annu araṛṛagissa.

2 TAWARIKH 34:33

Manga paal᷊uanna apan maarantinna, apan uaraddo su manga tampa nasutta su wageangngu leta'u Israel, sarangkanambone niṛṛimunsa'i Ratu Yosia. Ana see i tou namarenta tumanangnge mattaṛṛamawu Mawu, Ruatan al᷊amonan mangitou. Ne sutempo al᷊annune i Yosia wiakka, tumanangnge sidutu tuttuṛṛutta Mawu.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.

2 TAWARIKH 20:32

Ere lai i Asa iamangnge, Yosafat buatte na'ola'a apapia su aellegu Mawu.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

DANIEL 6:23

Ruatan allangnga buatte nandolokku mala'ekan-Ne niapasappingnga moṛṛongngu manga singa udde na'oman sara i mangitou tawe na'ola'a apa-apa su allangnga. Ruata nanal᷊amatta allangnga ana waugu i Tou masingkatta manungku allangnga tawe na'ola'a pasasal᷊a su saruan-Ne wuṛṛu su saruanni Tuangku.”