DARALO 18:15 - WUKE SUSI WATTI'U AL᷊AL᷊USASSA

¹⁵ I Tou namiti'u manga anaan-Ne wuṛṛu nanal᷊iawukku seetta; I Tou na'ola'a sawallo masokka-sokka wuṛṛu na'ola'a i mangitou tinumal᷊angnga.

DARALO 18:15 Referans Kwoze

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

SASABANGNGA 15:8

I'o nattiuppa tahal᷊oangnga, ua'e mallul᷊unna matanggakka, uarisikka matul᷊idda naal᷊ihidda darandungnga, na'oman sara wantan tahal᷊oangnga wotongnge amatanna.

MIKHA 6:2

Ei manga wowone, ei manga wantan dunia, paddaringikke aansillu Mawu! I Tou pia gatto ringannu Israel uman-Ne wuṛṛu manassu si mangitou.

YEREMIA 31:37

Unnuwisara su sambau tempo langitta wotongnge uuṛṛanna, wuṛṛu wantan dunia wotongnge asaṛṛasiranna, sutempo uddewe Israel sarun Ta'u itol᷊a'a ana waugu al᷊awo'u inolaanni mangitou apan dal᷊eo. I Ya'u, Mawu, buatte nabbisara.”

DARALO 104:5

Ringannu matohassa runia nipararisik-Ku su sasarianne, na'oman sara tawe umio'a sarangkal᷊o'engnge.

DARALO 76:6

Manga taumata waṛṛani buatte nipangaṛoanna; i mangitou niamatiil᷊anna wuṛṛu tate maatimpu'o. Manga tantara waṛṛani wuṛṛu matohassa niawul᷊ianten atatohanne.

AYUB 4:9

Naal᷊ihidda tandi'a, etearoddi asasa'un Duata namate si mangitou na'oman sara nasue!

2 SAMUEL 22:16

Wantan tahal᷊oangnga nawu'essa wuṛṛu rapappakku runia nawu'a, sutempo Mawu nandona seen-Ne ringannu nasa'u.

DARALO 74:15

I'o napa'elekku al᷊imatan kua'e wuṛṛu sal᷊ukka; sal᷊ukka apan wahewalla niapamara-Nu.

2 MARARATU 19:7

Mawu sarun ma'ola'a ratun Asyur mangimanna watti'u manu'u salleanna ma'oman sara i tou mabelenga watukku wanuane sassane, wuṛṛu poiaroddi i tou sarun pateanna.”

YUNUS 2:6

I ya'u tinumumpa naddatingngu wantan panenteanna, watukku runia apan ngarane uaṛṛuudda sara panguddusannu tempo. Niawa'u mangke nallome sulal᷊ummu waddangku, ana see i ya'u naanaungnga wuṛṛu sinumal᷊ande Si'o. Ne aal᷊iomangku na'omate ringan-Nu sulal᷊ummu Wal᷊en-Ne apan na'uakkassa. Ana see I'o nabbatunna si ya'u wuassu lal᷊ummu tahal᷊oangnga, oh Mawu Ruata'u!

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

1 SAMUEL 7:10

Sutempo i Samuel tantal᷊anna mangngonggollu sasamba itattambunna udde, taumatan Filistin mannattakke mammangalo; arawe su orassa udde lai Mawu nirumallu'a wuassu langitta su lantakki mangitou. I mangitou nassal᷊iawukka ana see walate atal᷊angnge.

AYUB 36:32

I Tou mannametta inassa ringannu lima-Ne wuṛṛu nandolokka mangametta apan tattuddan-Ne.

DARALO 77:18

Winabbawa mannosokku uranna, rallu'a mappose; sawallo ma'ilatta su al᷊awo'u tampa.

DARALO 92:10

I yami masingkatta seen-Nu sarun pateanna, oh Mawu, anambon taumata lal᷊eo sarun isal᷊iawukka.

DARALO 144:6

Tuntunga'e sawallo-Nu tadea'u seetta massal᷊iawukka, pallosa'e anaannu tadea'u i mangitou mata'utta.

ZAKARIA 9:14

Mawu sarun maipasilon batangan-Ne su uman-Ne, naal᷊ihidda sawallo manga anaan-Ne nipiti'a. Mawu Apan Atanggaṛṛanne sarun maniuppa trompetta tatiala mamangalote see inaite umamatta sulal᷊ummu tandi'a wuassu timukka.