DARALO 17:3 - WUKE SUSI WATTI'U AL᷊AL᷊USASSA

³ Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 17:3 Referans Kwoze

DARALO 26:2

Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

DARALO 39:1

Su piaṛa'u mangangantari. Daralon Daud. Tuddane si Yedutun.

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

DARALO 139:1

Su piaṛṛa'u mangangantari. Daralon Daud. Oh Mawu, I'o maasunna si ya'u wuṛṛu masingka'u.

DARALO 119:106

Apan ta'u pina'ire ringannu sasalu sarun ta'u tipusanna, tadea'u ipangagassa raṛṛawen-Nu apan matul᷊idda.

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

HOSEA 7:6

Naal᷊ihidda putungnga sulal᷊ummu sungilla aroddi lai ṛiinna lal᷊eo wuṛṛu asasa'un mangitou niṛṛumenggama sulal᷊ummu naungnga su al᷊o'engngu ṛabbi, wuṛṛu napawe marua allo sinumal᷊oi nabbal᷊i ṛenggammu putungnga apan mannoṛṛobba.

YEREMIA 50:20

Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

AMSAL 13:3

Taumata apan maaddunna sulal᷊ummu wisarane sarun mal᷊angnganna wiakke; taumata apan walate wisarane sarun aṛṛiaannu asasilaka.

DARALO 16:7

I ya'u maddalo Mawu apan mannantiro si ya'u; sutempo ṛabbi tingikku naungku mannantiro si ya'u.

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

DARALO 7:4

Oh Mawu Ruata'u, i ya'u na'ola'a pallal᷊inga, na'ola'a al᷊al᷊eo susaruannu sandingananna ara'e namaddon seetta ringannu tawe pinangiananne, unnu wisara i ya'u na'ola'a aroddi,

AYUB 24:14

Sutempo maraninnallo i taṛṛa pate nabbangunna wuassu atatiille, wua'udde sinumabbangnga wuṛṛu namate taumata asiangnga, wuṛṛu tantal᷊anna taambe maruaallo, i tou mangngal᷊oto'a naal᷊ihidda manana'o.

1 SAMUEL 26:23

Mawu sarun mangal᷊amatta suapan taumata apan satia wuṛṛu matul᷊idda. Ana waugu salaiwe su allo indi Mawu nanantilli Tuangku su allangngu, arawe allangngu maddiri ma'ola'a al᷊al᷊eo su saruanni Tuangnga, ratu nipilen Mawu.

1 SAMUEL 24:12

Pa'ellege, Iamangku! Pa'ellege piṛṛissu juban Tuangnga niponggo'a apan aagasannu allangngu indi! Allangngu wotongnge mamate si Tuangnga, arawe allangngu tumba'u namonggo'a addio'a pentakku juban Tuangnga. Nariaddi nasemakke manungku alangngu tawe pandumma lal᷊eo ara'e mamate. I Tuangnga mangngenggenna mamate allangngu, salaiwe allangngu tawe sal᷊ane saran kadio'a su saruanni Tuangnga.

WATTI'U MANGA RASUL 16:9

Ṛabbine su Troas, i Paulus nissondapanna. Sulal᷊ummu sondapa udde i tou naasilo taumata Makedonia uarisikka su saruanne lapiddu sussal᷊ande tadea'u i tou lai inai watukku Makedonia mantul᷊ungngi mangitou.

1 SAMUEL 24:10

I Saul nanaile liudde, ne i Daud niumal᷊intudda ringannu addatta ana see nabbisara, “Anio i Tuangnga maddaringikka watti'u taumata apan namasingkatta manungku allangngu manilaka si Tuangnga?

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

1 KORINTUS 4:4

I ya'u tawe maapendama nassal᷊a sulal᷊ummu manga hatto, arawe udde wal᷊ine tatialane manungku i ya'u naṛṛinote. Mawu sassane manantungku i ya'u nassal᷊a ara'e tawe.

1 SAMUEL 26:11

Doronganna Mawu mamo'a si ya'u tadea'u tawe mamate ratu apan nipile-Ne! Anute sambeangnge wuṛṛu tampan ua'ene, ana see i ite inaite!”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

DARALO 139:23

Parikisewe i ya'u oh Ruata, saṛṛasirewe naungku, sal᷊u'atewe i ya'u wuṛṛu asingkatewe ṛingirangku.

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.